Atu Sunu Lilin Iha Inan Aman Nia Rate iha Dais, Covalima-HDRA Tama Ilegal Mai Timor Leste

Covalima ( RCCT ) 05-11-21, Polisia Nasional Timor Leste Eskuadra Tilomar servisu hamutuk ho Pesoal Profesional Saude Sira iha Posto Administrativo Tilomar halo Vijilansia no hein passageirus sira nebe Halo Viazen ba Kapital Municipio nebe mak seidauk simu vacinasaun.

Wainhira Ekipa Vizilansia Konjunta Polisia Eskuadra Tilomar no pesoal Profesional Saude nebe destaka iha Tilomar iha Ponte Tafara, Ekipa Konjunta ne’e detekta Sidadaun estranjeiru na’in ida nebe foin hala’o Viazen husi Welaus Betun Indonesia tama mai Timor Leste liu husi liu dalan ilegal.

Tuir Informsaun nebe RCCT Asesu husi Ekipa Vizilansia Sira iha Ponte Tafara, wainhira halo ravista Kartaun vasinasaun ba pasageirus sira nebe mak sa’e kareta Mikrolete hamutuk, passageirus hotu iha kartaun vasinasaun kompletu maibe Sidadaun Estanjeiru ho Inisial HDRA laiha Kartaun vasinasaun, HDRA hasai no hatudu fali kartaun KTP Indonesia nian, tanba ne’e parte PNTL Eskuadra Tilomar halo kedas ivestigasaun ba Sidadaun estranjeiru ne’e. No HDRA konta nia Viazen mai Timor atu Sunu Lilin ba Matebean sira iha Dais, Suco Belekasak.

Enkuantu Sidadaun Indonesia HDRA Informa ba Radio Cova Taroman Iha Kuarentena Bairo Costa Suai Ho Lian Materna Bunak dehan Tama mai Timor Leste tanba hakarak atu sunu lilin ba familia sira nia rate iha Dais bele Kasak.

Ha’u hela iha Welaus Indonesia, Tama Timor ohin (05/11) atu sunu lilin iha Apa no Ama nia rate iha Dais” HDRA Konta iha Kuarentena Suai

Entretantu Sidadaun Estranjeiru ne’e Kumpri hela Kuarentena iha Bairo Costa Suai Hodi Hein Prosesu Kontinuasaun tuir dalan legal.

Jornalista : Saturnino Soares

Editor      : Chamot Nahac