Covalima (RCCT) 09-09-21, Sekretariadu Estadu Asuntu Kombatentes Libertasaun Nasional nebe lansa ona iha Tinan kotuk progreama Levantamentu dadus husi kada uma lisan iha timor tomak atu hodi hatene ema nebe mate durante funu ba Libertasaun da Patria ne’e, tanba ne’e Konsellu Veteranus Munisipiu Covalima (KVMC) iha hela prosessu halibur dadus tuir kada Uma lisan hodi hatene lolos númeru serteza Ema na’in hira maka mate iha Funu no Luta ba ukun rasik an hahu husi Tinan 1975 to’o 1999.
Informa Membru Konsellu Veteranus Munisipiu Covalima Joaquim Barros Ho Kodigu ” Sikat Let ” ba Jornalista Sira Iha Edifisiu Konselu Veteranu Covalima Iha Tabako Lot Kuinta Feira(09-09).
“Iha tinan kotuk ita nia Sekretariu Estadu Asuntu Kombatentes Libertasaun Nasional Lansa programa ida ne’e, maka Agora dadaun ita nia Ekipa la’o hela iha Postu hitu, iha Munisipiu Covalima, kuaze atu foti hotu ona, ba Ema na’in hira maka mate ba Funu Ukun Rasik an (Mate hamlaha,kilat musan, nsst) hahu husi 20 de Agostu 1975 to’o 1999.” Katak Nia.
Sikat Let Afirma levanmentu dadus kada Suco no Aldeia ne’e atinji ona Pursetu 40 to’o 80.
“Dala ruma kada Suco ne’e, Balu atinji ona 80 %, balu foin 40%, balu seidauk” Joaquim “Sikat Let” dehan Iha Edifisiu Konsellu Veteranus Munisipiu Covalima iha Aldeia Tabako Lot Suco Debos.
Nia Fundamenta, tuir orariu Ekipa Hahu halo Levantamentu dadus iha loron 18 Fulan Agostu Tinan ne’e, nune’e garantia Fulan ne’e bele remata levantamentu dadus iha Suco sira, nune’e bele haruka ona ba Nasional.
” Tuir Kalendariu nebe maka iha Munisipiu Covalima hahu iha dia 18 Fulan Agostu foin dadauk ne’e, nebe ita bele dehan semana rua Tan hansan ita bele remata ona ita nia foti dadus ida ne’e, depois hotu maka dadus hirak ita Haruka fali ba Dili” Membru KVMC ne’e Fundamenta.
Programa ne’e hala’o, tanba iha tinan kotuk Sekretariu Estadu Asuntu Kombantente Libertasaun Nasional lansa ona imformasaun, hodi nune’e bele hatene numeru serteza Ema nain hira maka mate iha funu laran durante husi Tinan 1975 to’o 1999.
Sikat Let Mos dehan depois halo Levantamentu dadus tuir Uma Lisan iha Suco no Aldeia, Familia Martires sira sei halo Juramentu ba Uma Lisan molok halo intervista.
Jornalísta : Atino Gusmao
Editor : Chamot Nahac
