Covalima (RCCT) 01-06-21, Estasaun Radio Comunidade Cova Taroman (RCCT) halo Migrasaun sistema komputador husi Windows ba Linux nune’e hodi bele fasilita lalais servisu atendementu Publiku ho informasaun sira hotu iha Municipio Covalima.
Jestor RCCT Chamot Nahac Afirma razaun halo migrasaun ne’e tanba konsidera sistema servisu linux ne’e lalais no gratuita maibe ho kuilidade nebe diak liu.
“Ami nia Objectivu halo migrasaun husi Windows ba Linux tanba, ami konsidera Servisu sistema Linux ne’e lalais no mos Gratiuta, ha’u bele dehan maioria aplikasaun sira hotu nebe suporta ba sistema linux ne’e Gratuita” Dehan Jestor Chamot Nahac, durante Halo instalsaun ne’e.
Chamot Fundamenta agora governu liu husi MAPKOMS-SEKOMS dijitaliza ona Radio Comunidade sira iha Timor Laran hotu, tanba Radio Comunidade sira mos tenki hili ona sistema ida nebe mak lalais no Gratuita hodi bele fasilita servisu jornalista sira nian iha, liliu iha RCCT.
“Governu Dijitaliza ona Radio Comunidade sira hotu iha Timor, entaun ami mos hakarak hili sistema ida nebe mais fasil liliu gratuita nune’e bele hafasil ami nia servisu iha ami nia estasaun radio” Tenik Chamot.
Jestor RCCT ne’e mos Agradese ba ICT-TL liu liu ba Vice Presidente ICT-TL tanba hanesan Covalima nia Oan bele fornese ninia tempo ho voluntariomente hodi mai halo instalasaun ba sistema Linux iha Estasaun Radio Cova Taroman.
“Ha’u Apresia ba ICT-TL liu liu ha’u hodi Estrutura tomak RCCT nian Agradese ba Kolega Eligio nebe asume kargu hanesan Vice Prezidene ICT-TL, tanba bele fornese nia tempo hodi halo instalasaun ba sistema linux iha ami nia estasaun, maske ami nein selu bintes ida, maibe ho komitmentu vuluntario nia hakarak ajuda ami” Katak Chamot
Iha fatin hanesan Vice Prezidente ICT-TL Eligio Moniz do Rego Afirma hanesan ema nebe iha konhesementu iha area ITC ninia pronto Apoio kolker instituisaun nebe mak persija ninia tulun.
Nia mos Apresia ba RCCT nebe fo fiar fahe esperiensia nebe iha ona liliu iha area teknologia no informsaun ninian.
“Nudar Covalima Oan, ha’u apresia no kontenti tebes bele hetan fiar husi maluk sira RCCT hodi mai fahe esperensia no mos kolabora hamutuk hodi suporta malu iha area teknolojia informasaun no komunikasaun” Dehan Eligio
Nia hatutan liu husi Migrasaun ba Linux ne’e bele reduz kustu kompras ba lisensa Software komersial no mos prevene sistema komputador husi amesa Virus.
“Objetivu husi migrasaun ba sistema Linux atu bele redus kustu kompras ba lisensa software komersiu, nomos prevene sistema komputador husi ameasa virus komputador tamba sistema Linux ne’e la’os deit gratuita maibe mai ho aksitektura sistema ne’ebe seguru tebes” Tenik Eligio
Jornalista : Ade Gorete
Editor : Chamot Nahac
