Atu Hafasil Halo Renovasaun Frekuensian Radio-MAPKOMS Fasilita Workshop ba Jestor Racom Sira

Dili (RCCT) 12-08-21, Ministeriu Assuntu Parlametar no Komunikasuan Sosial (MAPKOMS) fasilita Jestor Rodio Komunidade (Racom) sira liu husi seminario ka Workshop durate loron ida kona ba renovasaun frekuensia Radio, Liu seminario nebe MAPKOMS Organiza ne’e atu bele fasilita no bele hafasil Jestor Radio Sira bainhira atu halo renovasaun ba lisensa frekuensia ba radio ida idak.

Whorkshop ida ne’e atu fo fila fali informasaun ba radio comunidade sira atu nune’e sira bele akompanha prosesu nebe la’o hela, nune’e sira husu lisensiamentu ba sira-nia Frekuénsia entaun sira hatene ona prosesu sira ne’e hotu” Dehan Ministru Asuntu Parlamentares no Komunikasaun Sosial (MAPKOMS) Francisco Martins da Costa Pereira Jeronimo jornalista sira iha otel Timor, Kinta Feira (12/08).

MAPKOMS mos Konsidera Radio Comunidade Barak mak iha Ona Lisensa Frekuensia ba Radio Ida idak.

Rádio Comunidade sira barak iha ona frekuénsia, balun la’os foin atribui maibe Atribui desde Indonésia nia tempu, entaun ita presiza halo renovasuan atu nune’e la’o tuir regra Estadu Timor-Leste ninian, ne’e mak ohin ita bolu sira mai atu informa no halo diskusaun ida di’ak liu tan para wainhira sira atu halo atribuisaun lisensa sira hatene ona “ Tenik MAPKOMS.

Nune’e mos, Ezistensia Radio Comunidade sira iha Timor laran tomak atu nafatin kaer metin valores Kultura Timor nian, nafatin fornese informasaun no eduka komunidade sira kona valor Kultura Nasaun Ne’e nian.

“Atu hare lolos esensia ho konteudu Radio sira nian fornesimentu atividade notisia ba komunidade sira ho objetivu atu sira ne’e ita hakarak edukasaun ita nia komunidade, eduka ita nia povu sai povu ida nebe mak demokratiku i povu nebé mak kaer nafatin valore kulturais Timor nian.ida ne’e mak ita luta atu sai independente livre maibe ho responsabilidade” Nia Halore.

Iha Workshop ne’e Prezidente Autoridade Nasional Comunikasaun (ANC), João Olivio Freitas Klafika regra husi ANC so halo deit Registrasaun no fo Atribuisaun ba Lisensa Frekuensia, La’os lisensa ba Meiu Komunikasuan Sosial.

“ANC halo rejistrasaun maibe la halo rezistrasaun ba Lisensa Meiu komunikasaun Sosial tanba ne’e Kompetensia Konselu impresa nian, tuir artigu 41 no 42 Konstitusaun Repúblika Demokrátika Timor-Leste no liga ba Lei Komunikasaun Sosiál iha artigu 26 Maibe ANC bele Atribui Lisensa Frekuensia tanba ida ne’e Kompentensia ANC nian, ANC bele Regula teknikamente Area Koberura Radio Comunidade nian nebe liga ho rtigu 61 nebe ko’alia livre ho direitu tomak, maibe direitu hirak ne’e iha nia limitasaun no regula lei iha Timor-Leste Prezidente Autoridade Nasional Comunikasaun (ANC), João Olivio Freitas Klarifika.

Chamot Nahac