Covalima (RCCT) 01-20-21 Kuinta Feira ne’e, Liu husi Konfrensia Imprensa Porta Voz Rosalino da Conceição deklara Ativista Pro-RDTL Unisma, wainhira ukun-nain sira fo poder ba Estadu Unidus Amerika (EUA), sei hamosu fali risku bo’ot ba Povu Maubere RDTL.
“Wainhira ita nia ukun nain sira fo duni poder ba Estadu Unidus Amerika (EUA), maka mosu fali realidade seluk hodi hamosu fali risku bo’ot ba Povu Maubere RDTL nia destinu iha future” Dehan Porta Voz Rosalino da Conceição Durante Konfrensia ne’e lao.
Porta Voz salienta liu tan katak, ukun-nain sira tenki hola mos konsiensia kona ba experiensia ida nebe moruk tebes katak, Estadu Unidus Amerika (EUA) arkitektu ba Indonesia nian, invazaun no okupasaun militar ilegal ho bala mortifera hodi oho mohu Povu Maubere Timor-Leste iha funu durante 24 anos.
“Ema ne’ebe kaer ukun tenki hola mos konsiensia kona ba experiensia ida ne’ebe mak moruk tebes katak, Estadu Unidus Amerika (EUA), mak sai artitektu ba Indonesia nian, invazaun no okupasaun militar, ho bala mortifera hodi oho mohu Povu Maubere iha funu durante 24 anos iha Timor-Leste” Tenik Porta Voz
Porta Voz Rosalino da Conceição informa Kontinua, hafoin Independensia, Estadu Unidus Amerika (EUA) mosu fali ho bala de açucar katak, ho osan dolar, oferta gratuita, ho nia Intituiçoes no ONG oi-oin hodi kahur no haminis RDTL nian Independensia no Soberania Nasional, ho tendensia atu hetan Poder ba Reabilitasaun Aeroportu Baucau hodi bele realiza nia planu real baze militar Amerika iha futuru.
Jornalista : Jose Ferreira
Editor : Chamot Nahac
