Asegura Feto Husi Violasaun no Asediu Seksual Iha Fatin Publiku ONG Esperansa Sensibiliza Audoria Siguransa iha Covalima

Covalima(RCCT)03-08-22—Organizasaun Noun Governamental (ONG) Esperansa realiza sensibilizasaun no Auditoria seguransa ba feto sira hodi bele livre husi asesiu seksual, abuzu seksual, volasaun no tipu diskriminasaun seluk ne’ebé mak feto no labarik feto sira infrenta iha fatin publiku.

Iha okaziaun ne’e Diretóra ONG Esperansa Orlanda da Silva ko’alia ba Jornalista sira katak hala’o auditoria seguransa ba feto sira iha fatin publiku tan hare ba situasaun real feto barak mak seidauk livre husi asediu seksual, abuzu seksual, violensia seksual no tipu diskriminasaun ne’ebé sira hasoru iha moris loro loron nian.

“Ami mai realiza atividade balun hodi halo sensibilizasaun Auditoria Feto nia seguransa espasu iha fatin publiku hanesan merkadu, transporte publiku iha escola no iha igreja, bainhira feto sira senti la seguru,” Infroma Orlanda da Silva

ONG esperansa hetan apoiu husi UN Woman no Rede Feto hodi realiza sensibilizasaun no auditoria ba siguransa feto nian iha fatin publiku, iha Munisipiu Dili, Baucau, Cavalima inklui ho Rejiaun Administrativa Espesial Oecusse Ambeno (RAEOA).

Sensibilizasaun no auditorial seguransa ba feto sira iha fatin publiku ne’e realiza iha Salaun Kruz Vermella Timor Leste (CVTL-Sigla Portuguese) Filial Covalima, Tersa Feira (02/08). ne’ebé hala’o faziadamente no partisipa husi organizasaun sosiedade sivil, parseiru sira, Governu, Estudante no autoridade lokal sira iha Covalima.

Jornalista : L. Nascimento

Editor     : Chamot Nahac