APA Tilomar “Festeza 20 de Maiu – Xefe Suku, Veteranu, Funsionariu Kontribui Osan Realiza Aktividade Animasaun”

Letratu; Administrador Postu Administrativu (APA)Tilomar Benedito Maia/Foto RCCT/Jhana Cardoso

Covalima (RCCT) 09-05-22–Festeza loron Restaurasaun Independensia Timor Leste ba dala XX, Postu Administrativu Tilomar sei realiza atividade desportivu (Folyball no Futeball) no mos Xefe Suku, Veteranu, Funsionariu sira kontribui Osan kada ema Dollar Amerikanu lima hodi realiza Aktividade animasaun ba komunidade sira hanesan Dada Tali no Tebe Otas naruk.

Administrador Postu Administrativu (APA)Tilomar Benedito Maia informa, sei realiza aktividade animasaun ne’e hodi fo biban ba komunidade sira atu aprezente tebe, tuir kultura Tilomar nian ne’ebé hanaran Tebe Otas Naruk no mos Desportu Tradional dada Tali.

Ami iha planu ona atu halo aktividade kultura ida hanaran tebe otas naruk, ita fo netik biban ba ferik no katuas sira atu haksolok iha 20 de Maiu ne’e” Informa APA Tilomar ba Jornalista sira iha nia K’nar fatin Segunda Feira ohin

APA Tilomar mos informa iha dia 20 de Maiu depois de realiza Serimonia Isar da Bandeira sei iha mos atividade Desportu Tradisonal Dada Tali hodi anima Populasaun sira iha Tilomar.

Iha 20 de Maiu, depois de hasa’e Bandeira ne’e, ami iha mos Planu aktividade desportu Tradisional hanesan dada Tali entre komunidade sira” Tenik APA Tilomar Bededito Maio.

Lideransa Maximu PA Tilomar ne’e klarifika, orsamentu ba atividade rua hanesan Dada Tali no Aktividade Tebe Otas Naruk ne’e inisitivu husi populasaun, no kontribuisaun husi Xefe Suku sira, Funsionariu no Veteranu sira iha PA Tilomar.

Orsamentu ne’e la’os mai husi Governu, ida ne’e inisiativu husi Populasaun no Kontribuisaun osan ne’e mai husi Xefe Suku Na’in hat ninian, Funsionariu sira no Veteranu sira kada ema fo osan dollar Amerikanu lima, atu kontribui hodi ajuda orsamentu ne’ebé mai husi Governu” APA Tilomar Esplika.

Nia Fundamentu Partisipante sira iha Atividade Tradisional Rua ne’e sei hetan Valorizasaun husi Komisaun organizadora hanesan motivasaun ba komuinidade sira.

Premiu ne’e ba Primeiru lugar, segundu lugar no terseiru Lugar, maibe ida ne’e laiha manan laiha lakon, hotu hotu hetan valorizasaun hanesan motivasaun ba sira maske ne’e uitoan deit.” dehan APA Tilomar.

Entretantu númeru Osan Kontribuisaun husi Xefe Suku na’in, veteranu no Funsionariu sira iha Tilomar ba atividade animasaun iha 20 de Maiu, Administrador Postu Administrativu Tilomar seidauk bele fo sain montante Osan ne’e, tanba dadaun Komisaun sei halibur hela osan kotribuisaun ne’e.

Jornalista : Jhana Cardoso

Editor      : Chamot Nahac