Covalima (RCCT) 03-09-21, Administrador Postu Administrativu (APA) Suai Aktual Luzinho do Rego Hafoin simu Pose husi Administrador Municipio Covalima Fransico de Adrade, Koalia ba Jornalista APA Suai Luzinho hateten, Durante Mandatu Sei tau prioridade preokupasaun komunidade nian kona ba Estrada no Eletrisidade
APA Suai esplika, tuir nia observa rasik maioria Komunidade sira iha Postu Administrativu Suai Assesu ona ba eletrisidade no estrada maske sei iha Suco Aldeia balu mak seidauk Asesu ba Estrada no Eletrisidade.
“Iha hotu hatene katak iha Postu Administrativu Suai ne’e komunidade maioria mak asesu ba eletridade no estrada, iha Suco Beco Aldeia lima mak seidauk asesu ba estrada no mos eletrisidade, no iha Suco Suai Loro Aldeia balu mak seidauk asesu ba estrada no eletrisidade tamba ne’e mak Aldeia sira nebe mak seidaduk asesu ba estrada no eletrisidade ne’e sai hanesan preoridades ha’u nian” katak Luzinho do Rego
Luzinho do Rego mos informa, durante mandatu sei tau prioridade liu ba komunidade ba preokupasaun komunidade nian nebe durante ne’e Infrenta.
“Ha’u nia preoridade liu sei hare ba komunidae sira nia preokupasaun hanesan estrada, eletrisidade depois tempu bai loro komunidade barak mak susar atu asesu ba Be mos, tanba ne’e ami la bele hakmatek iha fatin, tun ba terenu hodi observa rasik komunidade sira nia preokupasaun, no halo planu hodi levantamentu dadus nebe mak di’ak atu nune hodi aprezenta ba Municipio, no sai planu Municipio nian bele hetan implementasaun durante ami nia mandatu hotu” Katak Administrador Postu Administrativu Suai Aktual.
Nia mos kompromesa sei hare uluk servisu iha Administrasaun internal Postu no Administrasaun Suco ninian nune’e servisu Administrasaun hotu Bele La’o Tuir Kuridor.
“Ha’u hanesan Postu Administrativu, primeiro ha’u sei hare lai ba servisu Administrasaun nian, Administrasaun iha internal iha Postu Administrativu laran no mos Administrasaun Suco ninian, oinsa Administrasaun sira ne’e bele la’o tuir kuridor, no mos sei hadi’a mekanismu disiplina no regras, ba servisu sira ne’ebe mak hala’o iha funsionario publiku liu-liu iha internal Administrasaun ninia” APA Suai Luzino do Rego Hakotu
Jornalista : Aje Ferreira
Edito : Chamot Nahac
