APA Suai “Forma Ekipa Taskforce to’o Nivel Aldeia hodi halo prevensaun ba Surtu Covid-19”

Covalima (RCCT) 08-07-21, Administrador Postu Administrativu (APA) Suai, Lurentino de Yesus deklara ba RCCT, Objektivu forma Ekipa Taskforce hahu husi nivel postu to’o nivel suco atu hodi fahe informasaun ba Komunidade sira no mos atu halo prevensaun ba Moras Covid-19 iha Municipio Covalima.

Objektivu forma Ekipa Taskforce ne’e, atu fahe informasaun ba ita nia Komunidade sira, no atu halo prevensaun ba Moras Covid-19 iha ita nia Municipio Covalima, atu nune’e ita nia Komunidade sira bele hatene regras prevensaun ba Moras Covid-19, no mos Komunidade sira atu kumpri nafatin regras OMS nia” dehan Administrador Postu Administrativu Suai Laurentino de Yesus

APA Suai hatutan, Envolve aan iha Ekipa Taskforce ne’e, hanesan Administrdor Municipio, Komandante PNTL Municipio, Komandante Bombeiros, no Intutuisaun sira nebe haknar aan iha Covalima.

Envolve a’an iha Ekipa Taskforce ne’e, mak hanesan ita Administardor Municipio, Komandante Municipio, Komandante Bombeiros, no ita nia Instutuisaun sira balu, hodi halo Prevensaun ba Moras Covid-19” katak Laurentino de Yesus

Laurentino de Yesus salientan liu tan katak, Ekipa Taskforce ne’e, forma husi nivel Municipio to’o iha Aldeia, atu halo prevensaun ba Moras Covid-19 nebe alerta iha Municipio Covalima.

Forma Ekipa Taskforce ne’e, husi nivel Municipio to’o iha Adeia hodi halo prevensaun ba Moras Covid-19 ne’ebe agora dadaun alerta iha ita nia Municipio Covalima, no atu koragem ita nia komunidade sira atu bele simu Vasina hodi hasae ita Imunidade , bainhira Moras Covid-19 ne’e kona karik la bele afeita ba ita Saude” tenik Laurentino de Yesus

APA Suai, Laurentino de Yesus, nafatin husu ba komunidade hotu iha Municipio Covalima atu copera nafatin ho Servisu Saude, atu nune’e Servisu Saude sir abele halo vizilansia maka’as iha Municipio Covalima.

Jornalista : Aje Ferreira

Editor       : Chamot Nahac