Covalima (RCCT) 28-11-21, Asumi Kargu Nudar Administrador Postu Administrataivu Administrativu (APA) Maukatar Sebastião Guterres Durante Tinan hitu resin ohin molok remata nia mandatu nu’udar Administrador Postu Administrativu (APA) Maukatar APA MAukatar Sebastiãho Deklara ba Povu Maukatar kona ba Nia mandatu sei Remata iha Fulan Dezembru Nia laran.
Deklarasaun ne’e hato’o husi APA Maukatar Sebastião Guterres bainhira remata Lee diskursu Prezidente da Republika iha Komemorasaun Loron Proklamasaun Independénsia ba dala 46 iha Postu Maukatar.
” Ha’u nu’udar Administrador Postu Maukatar remata ona ha’u nia mandatu, ha’u husu diskulpa ba Instituisaun hotu ne’ebe haman an iha Postu Maukatar, ne’ebe ha’u lidera durante tinan hitu ho balun, karik ha’u nia atitude ruma la ita bo’ot sira la simu karik hau husu deskulpa” Sebastião dehan.
APA Maukatar Sebastião Guterres agradese ba Xefe Suco inklui Xefe Aldeia sira ne’ebe maka kontribui ona durante iha nia mandatu.
” Xefe Suco no Xefe Aldeia sira pessoal ha’u agradese ba imi ne’ebe maka kontribui ona durante iha ha’u nia mandatu ne’ebe ha’u lidera durante tinan hitu ho balun” Tenik Nia
Relasiona ho mandatu ne’ebe remata, Xefe Suco Matai João Gusmão sente triste, maibe nia promesa sei kolabora nafatin ho Administrador ne’ebe remata nia mandatu, tanba Administrador refere hanesan Veteranu ida no Lider uniku iha Postu Maukatar.
” Ha’u sente triste maibe ida ne’e desizaun Governu nian katak se deit maka hakarak tur iha Administrador Postu tenke tuir konkursu publiku ne’ebe Estadu Planu ona, hakrak dehan mos durante ne’e ami kolabora di’ak ho Administrador ne’e, ne’ebe maske nia mandatu remata mos ami nafatin kordenasaun ho nia tanba nia Ema Veteranu ida no Lider diak ida iha Postu ne’e” João dehan.
Enkuantu Administrador Foun ne’ebe atu Troka Sebastião Guterres seidauk hatene lolos tanba seidauk realiza serimónia Toma de Posse ba Administrador Foun.
Entretantu Duránte ne’e Administrador Postu Administrativu Maukatar Sebastião Guterres iha kolaborasaun di’ak ho Lideransa lokal inklui Xefe Aldeia sira hodi hare Dezenvolvimentu Postu Maukatar.
Jornalísta : Tynho Gusmão
Editór : Chamot Nahac
