APA Fatumea “Osan $750.00 Lá To’o Atu organiza Atividade Animasaun Ba Komemorasaun 20 de Maiu

Letratu: APA Fatumea ; Geraldo Orlaens/ Foto: RCCT/ Jhana Cardoso

Covalima (RCCT) 03-05-22, Administradór Postu Administrativu (APA) Fatumea, Geraldo Orleans informa, Atu Komemora loron restaurasaun independénsia ba dala-XX (20 Maiu 2022), Postu Administrativu (PA) Fatumea sei la realiza atividade animasaun, tanba kestaun orsamentu la sufisiente.

konaba preparasaun atu komemora loron restaurasaun independénsia Timor-Leste, 20 Maiu 2022, ha’u observa ona fatin no ami halo ona preparasaun 50% maibé sei la realiza atividade animasaun ba komunidade sira tanba kestaun orsamentu” APA Fatumea, Geraldo Orleans hateten ba Jornalista Sira, iha resintu BNU Covalima, Tersa Feira (03/05).

Nia Fundamenta iha PA Fatumea sei la organiza atividade hanesan, atividade kultura no desportu, maibe sei realiza deit atividade Isar da Bandeira iha loron 20 de Maio.

Kona-ba atividade desportu no atividade kulturál hare hosi orsamentu ami la prepara duni maibé , ami prepara atividade ba korpu Isar Bandeira no Koru Hinu – Nasional ba loron Independensia 20 MaiuNia Relata.

Entretantu alokasaun Orsamentu bazea ba reuniaun iha administrasaun Munisipiu Covalima, Orsamentu preve hanesan uluk ho total hamutuk $ 750.00 nune’e orsamentu ne’e prepara ba Isar Bandeira no Koru ba Hinu-Nasional

Antes ne’e, iha loron 25 fulan Abril tinan 2022, Prezidenti Komisaun Organizadora 20 Maiu Francisco de Jesus Alves hateten, atu komemora loron independénsia ba dala-20 Covalima sei realiza atividade despotu komunitáriu no bazar kalan maibé ho mos atividade sira seluk tan ne’ebé divizasaun seidauk bele fó sai tanba divizasaun foin mak atu aprezenta planu.

Reportagen : Jhana Cardoso

Editor          : Chamot Nahac