Covaliama (RCCT) 28-11-21, Molok Hahu aktividade Isar da Bandeira ba Komemorasaun 28 Novembru ba dala 46 iha Pastu Administrativu (PA) Fohorem, Autoridade, Funsionario no Povu hotu Selebra uluk misa ho Bandeira iha Igreja Parokia Fohorem.
Selebrasaun Misa Agradesementu ne’e Prezidi husi Amo Tito Germano Tae, Iha Umilia Amo Selebrante Esplika ohin Misa ba Domingu ohin hanesan Misa Espesial ba Nasaun no Ema Timor Oan Hotu liliu Ba Povu Fohorem.
“Ohin loron Domingo maibe loron Ida ohin mos loron Ita misa mos ho Bandeira RDTL Tamba ne’e Ha’u dehan loron Domingo ohin ne’e espesial Tebes Tanba Ita halo misa ba Ita Nia loron historia Proklamasaun independensia ba Dala 46. Tamba ne’e Ita halo mos orasaun ba Ita Nia funu nai’n Sira ne’ebé Mak mate ona, sire bele tulun Ita iha Mundu ne’e Tanba Sira Nia isin bele dodok maibe Sira Nia k’lamar hamutuk ho Ita, nune’e mos Ita halo orasaun ba aman Maromak atu tulun no fo isin Diak nafatin ba Ita Nia funu nain Sira ne’ebe Mak sei Moris hela ho ita.” Amo Titos Germano Tae Esplika
Funsionariu Tekniku Laboratorium Centro Saude Fohorem Domingas de Araujo hateten komunidade Nia partisipasaun Tinan ne’e barak Liu Duke Tinan uluk.
“Partisipasaun Komunidade Sira nian iha misa ba loron Isar da Bandeira RDTL 28 de Novembru 2021 ba Dala 46 Tinan ne’e komunidade Sira partisipa barak Tebes kompara ho Tinan uluk’ Domingas Konfesa ba RCCT
Entertanto tuir Orario husi Komisaun Organizador antes de Isar Bandeira RDTL iha Postu Administrativu Fohorem halo misa uluk ho Bandeira iha Parokia Imakulada Coraçõo Maria hafoin de misa hotu komunidade ho Autoridade Lokal Sira lori Bandeira RDTL ba Kampu EBC Fohorem atu hasa’e Bandeira iha ne’eba.
Jornalista : Saturnino Soares
Editor : Chamot Nahac
