Covalima (RCCT) 17-11-2021 Asosiasaun Naroman ba Futuru (ANF) servisu hamutuk ho UNICEF halo observasaun asesibilidade ne’ebe ezisti iha Centru Juventude Covalima (CJC), nomos fasilidades ba ema ho difisénsia sira atu utiliza, hodi nune’e bainhira implementa iha Futuru ema ho difisénsia mos bele hola parte iha CJC.
Lia ne’e hato’o husi Manajer Asosiasaun Naroman ba Futuru Domingos Xavio Fernandes Gusmão bainhira halo intervista iha Edifisiu SJC nia oin (17/11).
” Objetivu ami mai iha ne’e atu halo asesmentu ne’ebe hare liu ba asesibilidade ne’ebe maka Sentru ne’e iha, depois fasilidades ne’e favoravel ba ema ho difisénsia atu asessu ga lae, tanba ne’e maka ami mai hare direta, oinsa maka implementa iha futuru ne’e ema ho difisénsia mos bele hola parte iha Sentru ne’e” Project manajer ne’e dehan.
Tuir observasaun Jornalísta hatudu, Ekipa husi UNICEF foti mos dadus konaba medida Edifisiu Sentru Joventude Covalima nian, tanba ne’e Domingos Xavio dehan ba futuru sei hadi’a Edifisiu ne’e.
” Agora ami halo asesmentu hotu ami ba fali Dili hodi prepara depois ami mai fali sei halo, fiar katak ba futuru sei halo Edifisiu ne’e” Xavio dehan.
Domingos Xavio ne’e promesa, ba futuru sei halo mos asesmentu iha Pontu Entrada Salele Postu Administrativu Tilomar.
” Sementara agora ami sei mai iha Sentru Joventude Covalima, maibe ba futuru ami sei halo mos asesment ida iha Mota-Masin tanba iha ne’eba ne’e iha aktividades entre nasaun rua nian, ne’ebe aksibilidade ba ema ho difisénsia iha ga lae” Nia informa.
Entretantu Ekipa husi Asosiasaun Naroman ba Futuru hamutuk ho UNICEF halo assesmentu iha Centru Joventude Covalima (CJC) durante loron rua ne’ebe remata ohin (17/11).
Jornalísta : Tynho Gusmão
Editor. : Chamot Nahac
