Covalima (RCCT) 04-08-21, Centru Comunidade Covalima (CCC) halo lansamentu distribuisaun ai han basiku ba Familia Vulneravel sira iha Aldeia Fatuloro, Suco Taroman, Posto Administrativu Fatululik, iha aktividade Distibuisaun Ai han Basiku ne’e, Administrador Municipio Covalima (AMC) Francisco de Andrade iha nia diskursu expresa sentimentu triste tanba Xefe Aldeia balun lakoi simu sasan nebe ho kuantidade menus, tanba ne’e nia husu ba Xefe Aldeia sira atu labele sai opozisaun ba Kolkel Apoio nebe Agensia ka Organizasaun Naun Govermental sira Fornese.
” Ha’u sente triste, tanba iha Fulan hira liu ba Xefe Aldeia balu maka lakoi simu sasan nebe maka uitoan deit, nebe ha’u husu ba imi labele sai opozisaun ba kualker ajudus nebe maka iha, Tanba ema Agensia ruma atu fo sasan ruma tuir nia kapasidade, la’os ita maka obriga fali ema “ Administrador dehan iha Sede Aldeia Fatuloro Quarta Feira Ohin (04-08)
Administrador dehan Xefe Aldeia hanesan membru Governo iha baze, tanba ne’e nia husu Xefe Aldeia sira atu buka maneira hodi bele responde Situasaun iha Aldeia ida idak,
” Xefe Aldeia maka hanesan membru Governo iha baze, nebe imi tenke esforsu hodi buka maneira oinsa maka bele responde Situasaun Sira iha Aldeia ne’e “ Administrador Covalima Francisco de Andrade hakotu.
Jornalista : Tynho Gusmao
Editor : Chamot Nahac
