Covalima ( RCCT ) 13-12-21, Aliansa Nasional Controlo Tabaco Iha Timor Leste (ANCT-TL), realiza Seminariu hodi relata survei konaba bandu fuma iha fatin publiku liga ho dekretu lei Nu 14/2016. 8 de Junu 2016 konaba rezime kontrulu tabaku.
Cordenadora ANCT-TL ba Advokasia no monitorizasaun, Dulce Maria Mendonça hateten objetivu Seminariu ne’e atu hato’o relatoriu ba autoridade sira konaba survei bandu fuma iha fatin publiku.
“ Ita nia objetivnu Seminariu ba loron ohin nian mak ita hakarak relata fila fali relatorio konaba survei bandu fuma iha fatin publiku, no mos survei bandu publisidade promosaun no Protrosino ne’ebé mak durante ne’e ANCT-TL sira halo iha Municipio Covalima, Bobonaro No Baucau ” Dehan Cordenadora ANCT-TL ba Advokasia no monitorizasaun Dulce Maria Mendonça.
Nia hatutan total dadus ema ne’ebé konsumu tabaku iha Timor Leste hamutuk Pursentu 62.10.
“ Dadus jeral husi organizasaun Mundial fo sai iha Publiku ba ema ne’ebé mak konsumu Tabaku pursentu 71 no agora tun ona ba iha pursentu 31. 5 no dadus ba estudante husi idade 13 to’o 15 ne’ebé mak konsumu tabaku hamutuk 31.5 pursentu ” Tenik Cordenadora ANCT-TL ba Advokasia no monitorizasaun Dulce Maria Mendonça.
Iha fatin hanesan Xefe departamentu Programa Saude Municipal Agapito de Jesus hateten kuaze mane sira iha Covalima barak mak konsumu ka fuma sigaru.
“ Iha Municipio Covalima loja no kios hotu hotu fa’an tabaku no ita hotu nia observasaun, maioria mane sira iha Covalima barak mak fuma, tamba ne’e difisil husi parte saude no siguransa atu hapara sira nia fuma, soke ema ida ida iha nia konsiensia rasik mak bele hapara sira nia a’an husi tabaku tamba saude iha ita ida idak nia liman ” Informa Xefe departamentu Programasa Saude Municipal Agapito de Jesus
Relasiona ho Seminariu konaba haforsa Implementasun Lei NU. 14/2016 konaba Kontrolu Tabaku Iha Timor Leste, Xefe departamentu Programa Saude Municipal Agapito de Jesus husu ba konsumidor tabaku sira iha Covalima atu hamenus fuma tabaku atu nune’e labele hetan impactu ba ita nia saude iha loron ikus.
Jornalista : Saturnino Soares
Editor : Chamot Nahac
