Covalima (RCCT) 21-01-21, Amelia de Jesus hanesas feto nebe ida nebe iha kareira no agora dadau nia haknar an hanesan Polisia Investigasaun liu liu Kona ba Violensia hasoru feto iha Municipio Covalima no iha tinan 2014 Amelia mos asumi kargu hanesan Prezidenti Asociasaun Feto Covalima ,aleinde ida nee mos Amelia de Jesus asumi tan kargu hanesan Presidenti Conselho Centru Comunidade Covalima.
Tanba Amelia de Jesus dehan hanesan feto tenki fahe servisu didi’ak iha uma laran tanto iha servisu fatin atu nune servisu hirak ne’e bele la’o tuir nia dala no bele aumenta rendementu.
“Hanesan Feto ne’e ita tenki fahe ita ninia servisu iha uma laran no mos iha ita nia servisu hatin, exemplo hau hanesan Polisia, Problem aka servisu nebe iha uma ne’e ha’u labele lori ba to Servisu fatin, no servisu iha Kantor mos hau labele lori mai to’o, tanba se ita fahe servisu sira ne’e ho didiak mak it abele aumenta iha nia Rendimentu” Dehan Amelia de Jesus
Amelia de Jesus hatutan liga ho servisu nebe nia halo iha servisu fatin nia la delega servisu ba nebe relasiona ho foti desizaun nia rasik mak sei ba tanba agente labele foti desizaun no servisu nebe mak konsidera ladun importante nia sei delega agente balu.
“Dala ruma servisu ida nebe ladun importante nebe mak hanesan partisipa iha engkontru ho parseiru sira nebe la liga ho foti desizaun maka hau delega hau nia Ajente mak ba, maibe ida nebe importante liu ne’e ha’u mak sei atende hanesan halo Engkontru ho Linha Ministerial sira liliu ho grupo trabalho Jeneiru ho rede referral sira.” Tenik Amelia de Jesus Atual Komandante Polisia Unidade VPU iha Covalima.
Amelia mos dehan nudar feto tenki prepara no dezenvolve an liu husi asesu informasasun sira , treinamentu no mos formasaun sira no mos bele foti esperensia seluk husi feto maluk sira no feto matenek na’in.
“It abele foti Esperensia seluk husi Feto matenek nain sira, no maluk feto sira seluk liu husi asesu informsaun nebe partisipa iha treinamentu no Seluk tan” Amelia Hakotu.
Amelia de Jesus husu ba feto sira iha Covalima atu labele lakon oportunidade hodi halo mundasa ba ida-idak no ba familia liuliu hodi Priensa ka Envolve iha dezenvolvementu ba Covalima.
Jornalista : Joana Cardos
Editor : Chamot Nahac
