AMC-Perfursaun Mina Iha Suai Presiza Liu Ema Teknik

Covalima (RCCT) 26-10-21, Relasiona ho Explorasaun Mina iha Municipio Covalima nebe maka iha tempo badak sei halo perfurasaun hosi kompanha Timor Resources nebe maka hetan ona autorizasaun hosi Governu Timor Lesta liu-liu iha Seitor Petroliveiru no Minarais.

Aministrador Municipio Covalima (AMC) Fransisco de Andrade halo ona koordenasaun ho Diretores hotu iha Municipio Covalima hodi ko’alia kona ba oinsa atu enkaixa Ema Dezempregu no Juven sira iha Municipio Covalima iha Explorasaun Mina Rai Maran iha Covalima

Halo ona koordenasaun ho diretores hotu iha Municipio Covalima para hodi kordena servisu ho Kompanha Timor Resources kona ba dezempregu iha Covalima, tanba atividade Explorasaun Mina ne’e iha Covalima no foin dadaun ne’e ha’u mos ko’alia ona ho prezidenteoANPM iha momentu halo Seremonia Kultural kona ba oinsa futuru Joven sira iha Municipio Covalima.” Dehan AMC Franscisco de Andrade

Administrador Francisco de Andrade mos dehan tuir Informasaun kona ba prosesu Rekrutamentu ba perfurasaun Mina ne’e Persija liu mak ema Tekniku Iha Area Petroliu nian.

Oras ne’e dadaun iha faze ida nebe maka tekniku liu ne’e duni ema nebe maka atu servisu persiza duni ema ida nebe maka tekniku duni iha area ida ne’e no aban bairua ba iha Explorasaun sei halo rekrutamentu maibe rekrutamentu ida ne’e la hanesan ho rekrutamentu funsionario e rekrutamentu ida ne’e persiza tuir treinamentu ate seis ou nove mezes foin maka bele servisu tanba ida ne’e tekniku liu no la taka dalan ba Juven sira iha Municipio Covalima” Administrador Relata

Administrador Covalima akresenta produtu lokal mos iha Importansia, tan ne’e Komunidae Persija hakiak modo no mos hakiak animal tanba kuantidade Animal iha Municipio Covalima sei menus.

Ko’alia ona ho Country Manager Timor Resources kona ba importansia produtu lokal oinsa bele hakiak modo, oinsa bele hakiak animal no oinsa bele hakiak aifuan tanba ita hotu hatene katak iha Municipio Covalima ema nebe maka halo modo ka hakiak karau ne’e tuir nia kapasiadade nebe maka iha maibe aban bairua halo explorasaun, ne’e duni ha’u fo hanoin nafatin ba ita katak bainhira produtu iha Municipio Covalima sei iha produtu hosi fatin sei labele tama”tenik Administrador

Entretantu Administrador Municipio Covalima husu ba Komunidade agrikultur sira atu Prepara aan hodi Fornese Produtu wainhira Kompania sira Persija.

Jurnalista : Lito de Jesus

Editor      : Chamot Nahac