Covalima (RCCT) 16-11-21, Relasiona ho Konfrensia Imprensa ne’ebé komunidade no lian na’in sira husi Suco Rua ( Beco no Tashilin) hala’o iha Aldeia Halik Suco Beco Postu Administrativu Suai Segunda Feira (15/11) kona ba Administrador Municipio Covalima (AMC) Intrega rai hektares 200 resin iha Aldeia Halik nebe mak Kompaña Atauro Expres hodi okupa.
Administrador Municipio Covalima Konsidera, Rai iha Aldeia Halik Partense ba Rai Estado tanba ne’e AMC fo Lisensa Rai ne’e ba Ivenstor Sira Bazeia ba Karta husi Terras no Proriedade Nasional no Municipio.
“Rai neba ne’e rai estado nian tanba iha altura neba iha investedor sira atu halo investimentu iha rai ne’e atu hakiak karau, fahi, ikan no boek, atu loke mos fabrika ho nune’e investor liu husi Terras Propriedades Nasional no Municipal mak lori karta ne’e mai iha ne’e entaun ita fo lisensa ba investor halo survei iha fatin ne’e depois Komunidade Suco Tashilin no Beco ba halo komplain dehan rai ne’e sira nian” Infomar Administrador Municipio Covalima Fransisco de Andrade iha nia Knar Fatin Segunda Feira (15/11)
Maske Nune’e iha Loron Segunda Feira (15/11) Komunidade Suco Tashilin no Beco Dekara liu husi konfrensia Imprensa katak Rai Ne’ebe Intrega ba ivenstor Sira ne’e sei partense ba Kultura Suco Beco no Suco Tashilin.
Reprezentante lia na’in Suco Tashilin Carlos Soares Ferreira afirma, Evidensia sai Na’in ba Rai Halik haforti ho Be Matan no Ai horis Lubuk ida mak sei moris iha rai refere.
“Rai iha Aldeia Halik ne’e ami sei iha evidensia mak hanesan Be matan no Ai horis balun maka sei iha hela rai ne’e Ai horis ne’e mak hanesan has no nu’u 100 resin nebe mak ami kuda maibe kompania refere mai fokit tuir-tuir Administrador Municipio Covalima mos dehan atu mai iha fatin ne’e maibe to’o agora mos la mai” dehan reprezentante lia na’in Suco Tazhilin Carlos Soares Ferreira
Entretantu Administrador Municipio Covalima informa, Duke Povu Timor-Leste sai atan iha ema nia rain di’ak liu servisu rasik iha Rai Timor-Leste.
Jornalista : Aje Ferreira
Editor : Chamot Nahac
