Covalima ( RCCT ) 27-10-21, Administrador Municipio Covalima husu ba VIII Governu Konstituisional, atuExplora tan risku soin seluk nebe Covalima iha depois susesu iha Perfurasaun Mina rai maran ka Onshore.
Administrador Municipio Covalima (AMC) liu husi nia deskursu iha Serimonia lansamentu ba Perfurasaun mina rai maran iha Covalima, Francisco de Andrade deklara ba Primeiru Ministro no Xefe Estado Maior General F – FDTL, riku soin iha Covalima la’os deit Mina rai Maran maibe riku soin barak mak sei iha Linha Fonteira.
“Riku soin Natureza la’os deit, rai laran maibe riku soin iha linha fronteira mos barak,maibe durante ne’e ,Forsa F – FDTL ho PNTL iha fronteira difi;kuta bo’ot tebes atu halo patrolhamentu ba Riku soin sira ne’e, tanba iha linha fronteira la iha estrada nebe di’ak ba F – FDTL no UPF atu halo kontrolu ita nia riku soin sira iha fronteira, kompara ho Indonesia sira nia estrada di’ak iha fronteira husi Mota Masin Salele to’ o Mota Ain Maliana” Dehan AMC Francisco de Andrade.
Relasiona ho problemas ne’e Administrador Municipio Covalima husu ba Primeiru Ministro Jose Maria de Vasconcelhos ( Taur Matan Ruak ) atu loke estrada husi fronteira Mota Masin to’o Mota – Ain.
“Durante ne’ e iha lina fronteira ema hala’o atividades ilegal barak tanba F – FDTL ho PNTL/UPF difisil atu kontrolu maximu iha fronteira tanba ho kondisaun estrada seidauk iha, tanba ne’e ha’u husu ba Primeiru Ministro Jose Maria de Vasconcelhos ( Taur Matan Ruak ) atu loke dalan iha linha fronteira husi Mota Masin Salele to’o iha Mota Ain Maliana atu nune’e ita nia seguransa F – FDTL ho PNTL fasil kontrola ita nia riku soin sira iha fronteira no ema ilegal sira labele ona foti ita nia riku soin sira iha ita nia rai laran” Tenik AMC Francisco de Andrade.
Entretantu iha diskursu ne’e Administrador Municipio Covalima Francisco de Andrade husu ba Fundador Nasaun Timor Leste nian atu kria unidade nebe mak di’ak, nune’e bele lori Timor Leste ba futuru nebe nabilan no buras ba nafatin.
Jornalista : Saturnino Soares
Editor : Chamot Nahac
