Covalima (RCCT) 18-03-22, Relasiona ho festa demokrasia Eleisaun Presidensial 2022-2027 iha Timor Leste nebe sei realiza iha aban dia 19 de marsu 2022, Administrador Munisipiu Covalima (AMC) Francisco de Andrade hatete sidadaun hotu iha direitu atu fo votus ho konsensia tuir ida idak nia hakarak.
Nune’e Fransisco de Andrade husu ba sidadaun hotu liliu iha Munisipiu Covalima atu partisipasaun iha Eleisaun ida ne’ebe Realiza kada Tinan Lima dala Ida. Tanba ne’e AMC husu ba Sidadaun hotu atu kolabora hamotuk iha Eleisaun Prezidensial Tinan ne’e.
“Nu’udar Sidadaun ida ne’ebe mak di’ak, kolabora atu partisipa iha Eleisaun ida ne’e, nomos husu ba partidu politiku sira no autoridade sira hotu atu kolabora malu ho di’ak atu nune’e Eleisaun tinan ida ne’e bele la’o ho di’ak no hakmatek”
STAE Covalima Distribui ona Material Sensitivu no non sensitivu Eleisaun nian ba ona Estasaun Votasaun no Sentru Votasaun sira ne’ebe estabelidu Covalima.
“Konaba material sira ne’ebe mak ohin distribui la iha ida mak aat no ha’u fiar katak to’o votasaun ne’e remata mos sei lori fila mai to’o iha Munisipiu ho kondisaun di’ak no husu ba joven sira atu partisipa iha loron Eleisaun ne’e ho hakmatek no diak”dehna AMC Fransisco de Andrade ba jurnalista sira” Tanik AMC Francisco de Andrade
Jurnalista : Alito de Jesus
Editor : Chamot Nahac
