AMC Husu Funsionárius Sira Atu Labele Nonton YouTube Iha Oras Servisu

Foto Administrado Covalima Francisco de Andrade: Halo deskursu iha Salaun Aministrasaun Covalima molok fo posse ba Xefe Saksaun 14 husi Postu 7 iha Covalima.

 

Covalima (RCCT) 17-09-21, Liu husi deskursu Administrado Municipio Covalima (AMC) Francisco de Andrade iha Serimonia tomada de posse ba Xefe Seksaun 14 husi Postu hitu iha Salaun Administrasaun Munsipiu Covalimam, AMC dehan Tuir nia Observasaun durante ne’e iha Funsionárius balun maka nonton YouTube iha oras servisu nian, tanba ne’e nia husu ba Funsionárius hotu atu hatudu atetude nebe di’ak iha servisu fatin.

“ Ha’u husu ba Funsionárius hotu-hotu, inklui ba sira nebe maka ohin simu posse ne’e, la bele nonton fali YouTube iha oras servisu, tanba durante ne’e ha’u hare hela, Funsionárius balun iha oras servisu nia laran sira nonton fali YouTube, nebe ha’u husu ba imi tenke disiplina, hatudu hahalok ka attetude nebe maka di’ak iha Servisu fatin, la’os iha oras servisu mos imi loke YouTube pois nonton fali” Administrador Munisipiu Francisco de Andrade  dehan iha nia deskursu.

Maske nune’e Administrador Munispiu Covalima nafatin enkoraja Funsionárius hotu atu halo servisu ho responsabilidade atu nune’e bele lori dezenvolvimentu nebe nabilan ba Covalima.

“ Hanesan Administrador Munisipiu husu ba Funsionárius hotu attitude nebe maka ladi’ak koko tenke hadi’a, husu mos ba imi, tenke servisu ho responsabilidade, atu nune’e bele lori dezenvolvimentu ida nebe nabilan ba ita Munisipiu ne’e rasik ” Francisco hakotu.

Jornalísta : Tynho Gusmão
Editor      : Chamot Nahac