AMC – hala’o Retiru ho Membru sira husi Kapela 32 husi Fatumea, Fatululik no Fohorem

Covalima (RCCT) 21-12-21, Juventude Parokia Fohorem ne’ebé hanaran Alin Maun Claretian (AMC) konsentra iha Parokia Fohorem, Igreja Imaculada Korasaun de Maria, hodi realiza retiru ba Foinsa’e sira husi Postu Administrativu 3, (Fatumea, Fohorem, Fatululik,) ne’ebé mai husi Kapela 32, atu halo preparasaun iha tempo adventu ba Natal tinan 2021.

Ko’alia ba Radio Cova Taroman, Konsellu Juventude Parokia Fohorem, Ruben do Rego Alves, dehan, iha retiru ne’e Ko’alia pontu 3 ne’ebé konsidera bele valoriza no dignifika ema nia atetude.

iha tetiru ne’e atu lori juven sira ba iha preparasaun adventude ba natal ninian, entaun iha retiru ne’e koalia kona ba Eukaristia, atetude no retiru, husi pontu tolu ne’e bele valoriza no dignifika ita nia an nudar umanu, ema sarani ida ne’ebé hola parte iha eukaristia, primeiru ita tenki hatene hadomi malu, respeita malu husi juventude ida ba juventude seluk, husi kapela ida ba kapela seluk, ida parte ida husi ita bele hamenus atetude balu nebe ladi’ak hodi simu natal iha tinan ida ne’e ninian.” Katak Nelson Alve

Ruben do Rego Alves Fundamenta iha retiru ne’e atu lori Juventude hatene atu katak juven mak tenki sai masin no roman ba Igreja no autor Dezenvolvimentu estadu Timor Leste.

Segundu ko’alia mos kona ba juventude tenki sai Masin no Roman ba Igreja nomos sai Autor ba Dezenvolvimentu Estadu rai ida ne’e, tan ne’e nudar juventude tenki hatene oinsa mak atu halo aprezentasaun ba materia ruma. Husi prosesu ne’e bele lori sira atu rekoñese sira nia an ho hahalok nebe sira halo ba malu durante ne’e” Tenik Ruben.

Iha fatin hanesan reprezentante Juven husi Kapela Alas Tehen, Postu Administrativu Fatumea, Grazela Madeira de Fatima pires, senti kontente wainhira involve iha Grupo AMC tanba bele hetan matenek no Esperensia husi Juventude Parokia sira iha Fohorem.

Ami Kontenti ho AMC, Ami hakarak Grupu AMC ne’e tenki ba la’o ba oin, Ami Apreden husi Amo no Diagnu sira, husi Juventude sira iha Parokia Fohorem. Ami hetan tia esperensia iha AMC ami mos sei ba fahe fali ba juven sira seluk ne’ebé la hakarak tuir AMC” Katak Grazela

Enkuantu Rui Cardoso Pires husi Estasaun Fatumea, heteten hakbesik an ba Igreja atu halibur malu nune’e bele kria amizade entre juventude sira hotu.

Ohin ami halo retiru ne’e hodi fo refresing mai ami atu halo prepasaun ba tempo natal ida ne’e, ita juventude hakbesik an mai igreja atu halibur hamotuk nune’e ita bele kria amizade ba ita juventude sira iha Futuru” Katak Rui

Entretantu Grupu Juventude Parokia Fohorem, Alin Maun Claretian (AMC) realiza retiru ne’e ba Juventude sira husi Estasaun 3 ne’ebé hola mahon iha Parokia Imaculada Kurasaun de Maria Fohorem ne’ebé kompostu husi Kapela 32, Retiru ne’e realiza iha Salaun Parokia Fohorem, Tersa Feira (21/12)

Reportajem : Chamot Nahac