AMC Francisco de Andrade-Louva ho Prezensa PM Taur Matan Ruak Iha Covalima

Covalima (RCCT) 11-01-22, Administrador Munispiu Covalima (AMC) reprezenta Povu Covalima agradese no louba Primeiru Ministru Taur Matan Ruak ne’ebé vizita covalima hodi realiza dialogu ho tema “ Reforsa Rezilensia Nasaun” hodi troka hanoin ho Autoridade no Komunidade iha Munisipiu Covalima.

Administrador Munisipiu Covalima Francisco de Andrade halore lia ne’e iha Nia diskursu hodi lekar sain agradese no louva ba PM Taur Matan Ruak.

Ami agradese no Louva ba ita nia Primeiru Ministru Taur Matan Ruak, ne’ebé iha fulan Outobro liu ba mai hamutuk ho ita iha Covalima hodi halo lansamentu perfurasaun Mina Covalima ninian, maibe ohin mos Primeiru Ministru sei marka prezensa iha Covalima atu rona direita lamentasaun, Preokupasaun no sujestaun ruma ne’ebé Povu Covalima infrenta atu nune’e sai hanesan materia ida hodi konsidera ami Covalima nia hanoin ” Katak AMC Francisco de Andrade iha deskursu.

Administrador Munisipiu mos Relata ba Primeiru Ministru konaba Total Populasaun ne’ebé Horik iha Aldeia 148, Suco 30, Postu Administrativu 7 iha Municipio Covalima, ne’ebé durante ne’e halo moris hanesan Funsionariu Kontratadu no Permanente, Inklui Komunidade Agrikultur sira.

“Munisipiu Covalima kompostu Husi Postu Hitu (7), Suco Tolu Nulu (30) no Aldeia Atus ida ha’at Nulu Resin Walu (148) ho nia total Populasaun ne’ebé iha tuir sensus 2015 nian hamutuk populsaun Rihun Walu Nulu resin rua Atus Tolu Sanulu Resin Rua ( 82.312 ), Mane hamutuk Rihun Hat Nuluh Resin ida, Atus Ha’at Rua Nulu Resin Lima ( 41.425 ) no Feto hamutuk Rihun Hat Nulu, Atus Walu, Walu Nulu Resin Hitu ( 40.887). Total Populsaun ho vida Agrikultur ka to’os na’in hamutuk Atus Walu, Walu Nulu Resin Hitu (887) Total Funsionariu Rezime Jeral ema Atus Rua Hitu Nulu Resin Hat ( 274 ) kompostu husi Mane Atus Rua Tolu Nulu Resin Tolu (233) no Feto Hat Nulu Resin Ida (41) Kargu Diresaun Xefia total Hitu Nulu Resin Nen (76) inklui Xefe Departamentu no Diretór Munisipal, Funsionariu Kontratadus hamutuk Atus ida, Sanulu Resin Walu (118 ) no Azente Administrasaun Iha Hat Nulu Resin Hitu (47) ” AMC Francisco de Andrade Halore.

Entretantu Partisipa iha Dialogu ho PM ne’e, Autoridade Municipal no Postu sira, inklui Autoridade Suco no Aldeia hamotuk ho Komunidade, no Dialogu ne’e realiza iha Airo Portu Internasional Komandante Em Xefe Kay Rala Xanana Gusmao, Tersa Feira (11/02)

Jornalista : Saturnino Soares

Editor     : Chamot Nahac