AMC-Ami Nia Preokupasaun “Manu Lin Nakonu iha Aeroportu no Liu Iha Auto Estrada Nein Hasoru Kareta”

Covalima (RCCT) 12-01-22, Iha Dialogo ho Primeiro Ministro Taur Matan Ruak ho Autoridade Munisipiu, Postu, Suco no Komunidade sira iha Munisipiu Covalima ho nia Tema Reforsa Rezilensia Nasaun, ne’ebé realiza iha Kampu Aviasaun Internasional Komandante Em Xefe Kay Rala Xanana Gusmão, Tersa Feira (11-01).

Reprenzenta Povu Covalima AMC hato’o lamentasaun ba Primeiru Ministru relasiona ho Governu Investe osan barak hodi konstrui Auto Estrada no Aeroportu ne’ebé kapas hodi hatudu imazen furak iha Munisipiu Covalima, maibe menus utilizasaun husi Publiku emjeral.

Primeiru Ministru mai liu husi Auto Estrada ne’ebé kapas, maibe durante ita nia viazen liu husi auto estrada ida ne’e, nein kareta ida ne’ebé ke ita hasoru maibe ita gastus osan bo’ot liu kuaze total osamentu miloens atus hat rensin hodi konstrui ba Auto Estrada iha Covalima, depois oras ne’e dadaun ita tur iha Aeroportu ida ne’e, Aeroportu ida ne’ebé ho nia kondisaun kapas tebe tebes maibe aviaun Ami la hetan, soke ita hetan deit Manu Lin mak barak, tamba ne’e mak ami husu ba Exe. atu tetu ba preokupasaun hira ne’e” Tenik AMC Fracisco de Andrade.

Administrador Munisipiu Covalima (AMC) Francisco de Andrade hato’o Dezafiu ne’ebé Covalima hasoru durante ne’e ba Primeiru Ministru (PM) Taur Matan Ruak konaba Estrada iha area remotas ne’ebé difikulta komunidade sira Movimentu, Utilizasaun no Benefisiu husi Mega projetu Auto Estrada no mos Aeroportu iha Covalima.

Iha ne’e Ami mos hakarak atu hato’o ami nia dezafius ne’ebé ami infrenta duranta Covid–19 Primeiro difikulta tebes komunidade sira ne’ebé hela iha area remotas hanesan iha Postu Fatumea, Fatululik no Fohorem, difisil tebes atu mai iha merkadu tanba ho distansia ne’ebé dook no kondisaun ne’ebé ke araska liu, Segundu familia balu menus de ai han tanba iha Altura ne’eba ami mos tama iha Serka Sanitaria dala rua. Terseiru oras ne’e dadaun udan mai bebeik ona ne’ebé hanesan ohin ita bo’ot sira hare be mota dala ruma sa’e bebeik hanesan iha ponte Lo’o Mea mota sobu bebeik ona” Tenik AMC Francisco de Andrade.

Entretantu Preokupasaun no Dezafiu hirak ne’ebé Administrador Munisipiu Covalima Francisco de Andrade hato’o iha nia deskursu wainhira Partisipa iha Dialogu ho Primeiru Ministru Taur Matan Ruak maibe Primeiru Ministru iha Aeroportu Internasional Komandante Em Xefe Kay Rala Xanana Gusmão Iha Covalima Tersa Feira (11/01) laiha reasaun hodi responde ba Prokupasaun no Dezafiu ne’ebé AMC hato’o.

Jornalista : Saturnino Soares

Editor      : Chamot Nahac