AM Covalima Hasai Ona Sirkular-Funsionariu Obrigatoriu Tuir Formasaun

Covalima (RCCT) 30-09-22–Antes ne’e Diretór Servisu Jestaun Merkadu no Turizmu (SJMT) Munisipiu Covalima, Vitorino do Carmo, iha Salaun Administrasaun Munisipiu Kinta Feira (29/09), liu husi aprezenta relatoriu servisu iha inkontru konsellu kordenasaun Munisipal Diretór ne’e relata problema menus rekursu umanu no infrenta funsionariu offisial Finansa, ajente no kazual sira sei menus koñesimentu iha area ida idak tanba foin halo rekrutamentu, tanba ne’e iha relatorio ne’ebé aprezenta, rekomenda ba Administrador Munisipiu Covalima fo kapasitasaun ba funsionariu sira iha SJMT.

Notisia Relevante : https://www.rcct.tl/transfere-pozisaun-motorista-ba-offisial-finansa-vitorino-husu-atu-kapasita-funsionariu/

Relasiona ho preokupasaun ne’e, Administrador Munisipiu (AM) Covalima, Francisco de Andrade, informa iha nia k’nar fatin Sexta Feira (30/09), Servisu Jestaun Merkadu no Turizmu foin estabelese wainhira nia asume kargu nudar Administrador Munisipiu.

Maske nune’e, Administrasaun Munispiu Covalima (AMC) antes ne’e halo ona koperasaun servisu ho Centro Comunidade Covalima (CCC) hodi fo kapasitasaun liu husi Kursu Komputador ho programa tolu (word,Excel no Power Point) ikliu internet baziku ba funsionariu sira iklui Xefe Departamentu no Diretór mak servisu tutlela iha AMC nia okos.

Notisia relevante: https://www.rcct.tl/menus-konesimentu-amc-ccc-kapasita-funsionariu-nain-42-utiliza-komputador/

Nune’e Administrador Munisipiu Covalima, Francisco de Andrade, hasai sirkular hodi obriga funsionariu sira atu tuir formasaun utiliza komputador no internet baziku nune’e bele hasa’e funsionariu sira nia koñesimentu.

“Ha’u hasai ona sirkular kada funsionariu sira hotu iha dever atu tuir formasaun ida ne’e, tanba hola parte iha kapasitasaun ba funsionariu sira hodi hasa’e sira nia kuñesimetu iha area komputador, tanba ne’e se mak la tuir ha’u sei cek, tanba kursu ne’e la gratuita maibe tan deit negosiasaun Autoridade ho Belun Suai hodi mak buka Osan, Funsionariu sira tuir gratuita deit se ema ida iha inisiativa no vontade atu aprende ne’e buat ida gratuita ne’e la iha tanba ne’e tenki agradese” Nia Hatutan

Nia dehan konaba Servisu Jestaun Merkadu no Turizmu infrenta menus rekursu umanu foin mak estabelese wainhira nia asume kargu nudar Administrador Covalima.

Servisu Jestaun Merkadu no Turismu ne’e, ha’u mai mak foin estabelese, tanba ne’e ita la’o tuir buat ne’ebé ita iha, la’os la’o dala ida buat hotu kompletu kedas, Ita ko’alia konaba Rekursu Humanu ne’e la’os deit iha Covalima maibe iha teritoriu tomak menus rekursu umanu, maibe ita tenki la’o no ita mos persija halo kapasitasaun, tanba durante ne’e iha Formasaun bebeik no agora dadauk mos kapasita Funsionariu Sira autoridade halo Negosiasaun ho Centro Comunidade Covalima (CCC) liu husi belun ho Suai kapasita Funsionariu Sira konaba word, Excel no internet Baziku” Dehan Administrador Munisipiu Covalima Francisco de Andrade iha Nia K’nar Fatin Sexta Feira (30/09)

Administrador hateten funsionariu sira hotu iha obrigatoriu atu tuir formasaun hodi hasa’e koñesimentu nune’e bele responde ba problema ne’ebé infrenta konaba menus rekursu umanu hodi halo servisu iha diresaun hotu mak tutela iha AMC.

Nune’e mos Administrador Munisipiu Covalima dehan, hahu kria ona estratejia atu Diretór Servisu Munisipal sira tuir treinu aprezenta programa uja slide Power Point.

Jornalista : Jhana Cardoso

Editor     : Chamot Nahac