Covalima (RCCT)-18-05-21 Ahi han uma tali ida iha Suco Matai Aldeia Matai, tanba impaktu husi sunu ahi iha Ahi matan.
Ba Jornalista RCCT uma na’in Adelino Gusmao esplika, akontesimentu ne’e akontese iha Tersa Feira ohin mais ou menus tuku 2 madrugada, tamba bebe oan nurak nain tolu maka tur ahi iha uma laran ne’e tanba ne’e, sira nia parte hakfodak ho derpente deit ahi lakan daet hasi ahi matan didin.
” Uma ne’e ahi han hori kalan tuku 2 atu tama tuku tolu ona, depois ida ne’e la’os listrik maka halo, iha uma laran ne’e bebe oan nurak tolu maka tur ahi, ne’e maka ahi ne da’et ba didin, entaun ami toba tukur hotu ona, ami hakfodak ne’e ahi han lubuk ida ona” Dehan Adelino Gusmao
Adelino ne’e ho matan ben nebe sulin esplika, Ahi han uma ne’e estraga hotu Sasan uma laran no mos aihan nebe sira iha.
” Ahi han uma ne’e ami nia batar bidon ida resin ahi han hotu, depois ami nia roupa sira ahi han, nomos sasan dapur nian, sanan, kanuru, bikan, nsst” Dehan Adelino Gusmao
Liga ho desastre ne’e, Xefe Suco Matai Joao Gusmao hateten, sira nia parte foti ona dadus ba akontesimentu ne’e, hodi hato’o ba MSSI Covalima, no Komisaun Risku Desastre sira, inklui ONG sira nune bele fonajudos ba familia vitima ne’e.
” Ami hanesan Lideransa Komunitaria ami foti ona dadus ba akontesimentu ne’e depois ami sei hato’o ba MSSI iha Covalima, nomos Komisaun Risku Desastre nomos ONG balun, atu nune’e Familia sira ne’e bele hetan apoio emergensia, tanba iha ne’e sira aihan sira motuk hotu kedas” Dehan Sefe Suku Matai.
Enkuanto uma tali ne’e halo iha tinan 2018, ho medida 5×6, no iha uma ne’e Familia 3 maka hela hamutuk, no iha Famili 3 ne’e hamutuk ema nain 10 inklui bebe nebe foin nain 3.
Jornalista : Tynho Gusmao
Editor : Chamot Nahac
