Ahi han Komunidade nia uma ida iha Posto Administrativo Fatumea, Sasan uma laran lakonsege salva

Covalima (RCCT) 08-06-21, Ahi han komunidade nia uma ida iha Aldeia Baleok, Suco Bee Lulik Leten Postu Administrativu Fatumea iha loron Quinta feira (03-06 ) Foin lalais ne’e .

Relasiona ho ahi han uma komunidade nian ne’e liu husi via telefone Xefe do Suco Bee Lulik Leten Quintino Jose Amaral hateten nia parte hato’o kedas ba Diresaun Dezastre Munisipio Covalima ( DDMC ) atu fo apoiu ba vitima ba dezastre ahi han uma ne’e.

Komesa akontesementu ahi han uma ne’e ha’u Kontaktu kedas ba Diresaun Dezastre Municipio Covalima no ha’u haruka kedas fotografia kona ba akontesementu ne’e ba DDMC sira atu fo apoiu ba ha’u nia komunidade hetan dezastre ida ne’e, iha Akontesementu dezastre ahi han uma ne’e ha’u husu ba uma na’in, maibe uma na’in hatan katak lahatene klaru kona Kronolijia ne’e mai sira dehan derpenti deit ahi lakan mak sira hakfodakno ami nain la konsege salva uma ho sasan iha uma laran tanba ahi nia lakan bo’ot ho ida ne’e sasan sira iha uma laran la konsege salva ” Xefe do Suco Belulik Leten Quintino Jose informa.

Ho akontesimentu ahi han komunidade nia uma iha Aldeia Baleo Suco Belulik leten ne’e Coordenador Servisu Risko Dezastre Municipio Covalima Dinis Pereira hateten Ekipa husi Protesaun Sivil Servisu hamutuk ho Risku Dezastre fo ona apoiu ai-han no la’os ai- han mak hanesan fos ,mina,supermi ikan sardina no seluk tan ba Komunidade Vitima ne’e 

Iha loron 03 fulan Junho tinan 2021, komunidade iha Aldeia Baleok Suco Belulik Leten Postu Administrativo Fatumea iha komunidade uma kain ida mak ahi han sira nia uma, agora dadaun vitima refere hela hamutuk ho sira nia familia tanba ahi han ona sira nia uma tamba ne’e ohin dia 07-06-21 ekipa Servisu Risku Dezastre Servisu hamutuk ho Ponto Fokal sira distribui sasan sira hanesan Fos, saka ida, Mina litru rua, Supermi dos ida, ikan sardine lata rua nulu, depois fo mos sasan dapur nian hanesa bikan, kanuru, lona, biti, manta no susu ben balu ba familia Vitima ne’e” Dehan Dinis Pereira iha Armajen DDMC iha Bairo Costa Suai.

Entertantu tuir observasaun husi Jornalista RCCT nota katak durante ne’e servisu Risku Dezastre iha Municpio covalima fo apoiu bebeik ba komunidade sira ne’ebe hetan vitima ba dezastre hanessan ahi han uma, inudasaun, no anin sobu uma iha munispio covalima.

Jornalista : Saturnino Soares

Editor      : Chamot Nahak