Covalima ( RCCT ) 17-11-21, Auditoria Sosial no Konvoka sorumutu ho Autoridade Municipal iha area Edukasaun ne’e hodi aprejenta rejultadu Peskiza AHDMTL hala’o ona iha fulan hira liu ba.
Tuir Diretur Ezekutivo AHDMTL Gaspar Afonso informa, atividade hala’o sorumutu ho Autoridade Municipio Covalima ne’e aprezenta peskiza ne’ebé AHDMTL hala’o iha fulan kotuk.
“Ami husi AHDMTL mai iha Municipio Covalima ho objetivu atu hala’o sorumutu ho autoridade Municipio Covalima hodi aprezenta peskiza ne’ebé AHDMTL hala’o iha fulan hira liu ba, tanba Autoridade sira iha Municipio ida ne’e mak hanesan fontes atu hato’o informasaun ba ema ho Difisiensia sira liu liu ba ema ho difisiensia Matan oinsa mak bele asesu ba edukasaun, no mos iha sorumutu ne’e mos ami sei hadia relatorio hamutuk molok ami aprezenta ba iha Ministerio relevante, ami mos sei halo livru ida hodi lansa iha Nasional tamba livru ne’ebe mak ita halo ne’e hanesan baze fundamental ida ” Informa Diretór Ezekutivu AHDMTL Gaspar Afonso iha Edifisiu Servisu Municipal Edukasaun Covalima.
Diretór Ezekutivu AHDMTL ne’e hanaruk Ministerio Edukasaun tenki kria kondisaun no Konteudu di’ak ba edukasaun inkluzivu.
“ Ita ko’alia konaba Edukasaun inkluzivu iha seitor Edukasaun ita tenke hare ninia Konteudu no mos hatetene didi’ak konteudu husi Edukasaun Inkluzivu, ho ida ne’e mos ita husu ba Governu tenke kria kondisoens di’ak ba Edukasaun Inkluzivu atu nune’e fo oportunidade ba ema hotu – hotu liu liu ba ema ho difisiensia be’e partisipa iha Edukasaun ” Tenik Diretur Ezekutivo AHDMTL Gaspar Afonso.
Entretantu Relasiona ho Atividades ne’e Diretór Asosiasaun Halibur Defisiensia Matan Timor Leste ( AHDMTL ) Gaspar Afonso, husu ba Autoridade Municipal ba to Nivel Aldeia atu informa ba ema ho difisiensia sira atu partisipa hodi assesu ba iha Edukasaun, tanba lei lahalo diskriminasaun ba se deit liu liu ba ema ho difisiensia sira.
Jornalista : Saturnino Soares
Editro : Chamot Nahac
