Covalima (RCCT) 05-01-22, Ministeriu Solidaridade Sosial Inklusaun (MSSI) Aloka fos hamotuk Saka 7,180 mai Covalima hodi Apoio ba Komunidade K’bit Laek Sira no mos Komunidade sira ne’ebé Afeta Covid-19 iha Postu Administrativu 7 ne’ebé lokaliza iha Munisipiu Covalima.
Diretór Servisu Solidaridade Sosial Inklusaun (SSSI) Munisipiu Covalima Agapito Asis Cardoso hateten Ministeriu Solidaridade Sosial Inklusaun (MSSI) Apoiu fos rihun hitu resin ba Vulnerabel sira iha Covalima.
” MSSI Aloka fos mai Covalima hamutuk rihun 7,180 mai iha servisu Solidaridade social Covalima, hodi hatan ba komunidade sira husi Postu Administrativu 7 iha Munisipiu Covalima, ne’ebé mak afeita ba COVID-19,” Diretór SSSI Imforma nia ba Jornalista sira.tersa (04/01).
Diretór SSSI hateten, iha Tinan 2021 husi fulan Janeiru to’o Dezembru SSSI halo apoiu dala ha’at kada trimestre.
” Tinan 2021 ne’e, ba primeiru trimestre distribui fos hamutuk rihun 1,835 ba trimestre segundu rihun 1, 229,ba trimestre da tolu nian rihun 2,371 ba trimestre da hat rihun 1,744 ida ne’e mak ita distribui ne’e be total rihun 7,180 ne’e ba Asistensia sosial atendementu ba Vuneravel sira iha Covalima” Diretor SSSI Covalima Informa.
Entretantu apoiu ne’e ba instituisaun Solidaridade Sosial no ba ema ho Defisisiente no Vurneravel no vítima no ferik katuas abandonadu no inklui labarik sira no liliu ba ema sira ne’ebé mak hahan la iha.
Jornalista : Jhana Cardoso
Editor : Chamot Nahac
