Covalima(RCCT)16-08-21, Relasiona ho avaliasaun Servisu Saude Municipio Covalima kona ba Vasinasaun Covid-19 nebe mak durante ne’e hala’o iha Municipio hahu hosi permeiru dozes to iha Segundu dozes nebe mak atinji ona Pursento 59,9 nebe mos sei nafatin halo kontinuasaun ba iha vasinasaun dozes segundu hodi kompleta tarjetu nebe mak tuir Organizasaun Saude Mundial (WHO).
Sekretario Administrador Municipio Covalima Afonsu Nuqueira nahak Iha Diskursu hateten avaliasaun ne’e atividades ne’e iha potensial bo’ot atu hodi hare fali servisu nebe hala’o ona durante ne’e inklui dadus sira nebe hetan iha terenu.
“Actividades Avaliasaun ida ne’e hanesan actividade ida nebe mak iha potensia bo’ot ida nebe mak hahu hosi Nasional to’o iha Municipio, Postu, Suco, tanba ne’e mak ita hotu persija halo avaliasaun hodi hare fila fali dadus sira nebe mak durante ne’e ita halo iha Municipio Covalima, no tuir informasaun nebe mak hau rasik hetan katak dadus agora dadaun ne’e atinji ona 59,9%.” Katak Afonso Nugueira Nahak
Sekretario Administrador Covalima ne’e fundamentu relasiona ho Servisu Saude Covalima nia servisu Vasina Covid-19 ba komuniade Covalima nebe atinji ona Pursentu 59,9 ne’e hatudu ona presetasaun servisu ida nebe diak ba Municipio Seluk no Nasaun ida ne’e.
“Ho ida ne’e mak hatudu katak Municipio Covalima hatudu ona prestasaun servisu,ho nune’e husu ba ita hotu atu kontinua servisu hodi atinji ba iha 100% tuir dadus Municipio Covalima tenki atinji ema 40.000 nebe mak tenki ‘e hetan vasina Covid-19” Tenik Nia.
Afonso kontinua husu ba Administrador Postu Administrativu no Konsellu Suco sira hotu atu kolabora ho Pessoal Saude Sira hodi buka hatene komunidade sira nebe seidauk simu vasina ne’e hodi bele mai simu vasinasaun Covid-19.
“Municipio Covalima atinji ona ema nain rihun rua nulu resin lima (25,000) mak simu Vasina Covid-19, ho ida ne’e mak husu nafatin ba Administrador Postu sira ho konselhu Suco sira atu kolabora hamutuk ho pesoal Saude sira hodi buka tuir komunidade sira hodi mai tuir Vasina Covid-19 maski vasina ne’e la obriga maibe nafatin hakbesik an ba iha ita nia komunidade sira atu nune’e bele nafatin simu vasinasaun” Secretario Administrador Municipio Covalima Afonsu Nuqueira Nahak relata.
Jurnalista : Lito de Jesus
Editor :Chamot Nahac
