Covalima (RCCT) 25-05-21, Relasiona ho Situasaun Estado Emergénsia (EE) no Sérka Sanitária (SS) inklui Konfinamento Domisiliario Obrigatório (KO) maka Estudante sira nebe hala’o estudo iha Capital Dili enfrenta menus Ai-han no la iha Osan atu selu Kos, maka Sesta Feira (21-05) foin lalais ne’e Assosiasaun Estudante Joventude Suai (AEJS) apoio EKSES-COVID 20 ho osan montante $ 400 Dolares Amerikanu.
Wainhira ko’alia ba Jornalísta RCCT responsavel AEJS Osvaldo dos Santos Coli hateten, ho forsa ne’e maka AEJS iha hodi apoio Orsamento Dolares Amerikanu Atus-ha’at ($ 400.00) ba EKSES-COVID 20 hodi selu transporte ne’ebe maka tula Estudante sira husi Dili mai Covalima.
“ AEJS hanesan Organizasaun nebe maka Voluntário, entaun ita servisu hamutuk, tanba ne’e maka ho kbi’it nebe maka iha, ami fo san $ 400.00 ba EKSES-COVID 20 lori selu trasnporte nebe maka tula ita nia Estudante sira husi Dili mai Covalima ” Dehan Responsavel AEJS.
Osvaldo hatutan, Orsamentu nebe AEJS Apoio ba EKSES foti husi Osan Kas nebe mak AEJS rai durante ne’e, nebe mak mak durante AEJS hetan husu Timor Oan Sira nebe fo Ajuda ba sira.
“ Orsamentu hirak ne’e ami AEJS nia Kas, ami hetan apoio husi maluk Timor balu, no Orsamentu ne’e ami rai iha bakaria hanesan Kas ida mai ami, tanba ne’e ho situasaun hanesan ne’e, ita prezisa tulun malu, entaun ami foti dezisaun hodi apoio ba EKSES-COVID 20, ho ida hodi selu transporte husi Dili mai Suai” Tenik Osvaldo
Osvaldo mos informa, Asossiasaun Estudante Joventude Suai (AEJS) ho EKSES COVID 20 servisu hamutuk hanesan Covalima oan nebe ho Solidaridade hodi tulun maluk Estudante Covalima oan nebe hela iha Dili hodi transporta mai Covalima.
Jornalísta : Tynho Gusmão & Aje Ferreira
Edítor : Chamot Nahac
