Administrasaun Municipio Covalima Solisita RCCT Hamamuk Fatin – AMC Promesa Servisu hamotuk hodi hetan Fatin Dignu ba RCCT

Covalima (RCCT) 15-09-21, Relasiona ho Karta Solisitasaun husi Administrasaun Munisipiu Covalima ho Nu, Ref:174.AM.Covalima/SMPID/IX/2021, nebe Antesipadamente Solisita Radio Comunidade Cova Taroman (RCCT) nudar okupante Eis Rezidensia Administrador Munisipiu, atu husik fatin mamuk tanba iha Fulan Outubro tinan ne’e, uma refere sei halo Konstrusaun foun.

Tanba Konsidera Media Radio Comunidade Cova Taroman ne’e Comunidade Covalima ninian, mak Administrador Municipio Covalima (AMC) halo Vizita ba RCCT hodi Ko’alia Jestor Radio no Promesa sei servisu hamutuk ho RCCT, hodi buka solusaun atu nune’e bele hetan fatin ida nebe Dignu ba RCCT.

” Ohin sira lori karta mai iha ne’e, maibe ha’u hanesan Administrador Munisipiu ha’u mai para atu ko’alia didi’ak ho jerente, tanba Radio ne’e Comunidade Covalima nian, nebe ha’u hanesan Administrador sei servisu hamutuk ho imi sei buka solusaun atu nune’e Radio mos bele hetan fatin nebe dignu” Francisco de Andrade hafoin halo Sorumutu ho Jestor Radio iha Edifisiu RCCT Quarta feira (15-09).

Administrador Munisipiu Covalima Francisco de Andrade hateten, dadaun ne’e dezennu ho BOQ ba Konstruksaun Rezidensia Administrador ne’e aprova ona, tanba ne’e Nia husu ba Jerente RCCT atu buka fatin foun iha tempu badak.

“Ha’u mai atu fo hatene ba Jerente Radio Cova Taroman ninian, tanba tempu badak sei halo rekonstrusaun ba Rezidensia ne’e, tanba ne’e mak ha’u atu fo hanoin katak karik Terras Propriedades fo Fatin ona, entaun oinsa maka bele buka lalais, tanba estudiu ne’e difisil atu halo iha tempu badak” AMC Francisco dehan iha Edifisiu tuan RCCT nia oin.

Engkuantu Tuir jerente Sancho Nahac RCCT Informa, RCCT Hetan ona rai no Uma husi Terra no Proriedades, no dadaun RCCT halo hela Rehabilitasaun ba Edifisiu foun maibe Seidauk Finaliza tanba RCCT laiha Doadores Permanente, maibe Jerente RCCT ne’e Garantia Sei Muda ba Edifisiu foun iha tempo badak, no Nia Apresia ba Adminstrador Covalima nebe iha hanoin hakarak servisu hamotuk ho RCCT hodi Prepa Fatin nebe Dignu ba RCCT.

Jornalísta : Tynho Gusmão

Editor      : Chamot Nahac