Covalima (RCCT) 26-10-21, Administrasaun Municipio Covalima apoiu motorizada 14 ba Xefe Seksaun Postu Administrativo 7 iha Municipio Covalima hodi hala’o servisu iha terenu.
Kasu lia ba jurnalista sira Administrador Municipio Covalima (AMC) Fransisco de Andrade iha k’nar fatin informa, total motorizada 14 nebe interega ba postu Administrativo 7 iha Munisipio Covalima hodi fasilita servisu Xefe Seksaun sira nian durante ne’e sira halao’ K’nar iha Terenu.
“ohin interega Motorizada 14 ba Xefe Seksaun Postu Administrativo 7 iha Municipio Covalima atu nune’e hodi fasilita sira hodi halo servisu nebe maka durante ne’e sira hala’o hela iha terenu, no ohin ha’u mos esplika ona ba sira katak motor ne’e atu uza hodi apoiu servisu estadu nian la’os uza hodi halo servisu privadu tanba dala barak ona akontese ema sira nebe maka simu motorizada la iha sentimentu partensia ba uza motor estadu nian tanba estadu hatene hanoin ita bo’ot sira tanba ne husu nafatin ba sira atu uza didiak motor ne no iha responsavilidade” Fransisco de Andrade Informa.
Administrador Covalima Salienta, planu sosa motor ne’e mai husi Municipio rasik no orsamentu mos hosi Municipio ho montante orsamentu kada motor ida hamutuk $ 1,750,00 ( dolares Amerikano rihun sanulu resin hitu atus lima)
“Planu sosa motor ne orsamentu mai rasik hosi Munisipio Covalima ho ida nemak sosa motor ba funsionario sira tanba iha momentu neba kompanha sira halo tenderizasaun kada motor ida ho nia folin ka presu $ 1,750,00 tanba tuir lei kuandu $ 500 ba leten tenki liu hosi tenderizasaun ba kompanha sira tanba ami rasik labele halo kompras no kompanha nemos hau ladun hatene maibe kompanha ne mai hosi dili tanba iha alturas neba ita infrenta hela pandemia Covid -19 nemak ita mos susar atu eksekuta osan ne difisil tebes” Adminsitrador Munisipio Covalima Fransisco de Andrade relata.
Entretantu apoiu motorizada ne’e ba deit iha funsionario Estatal nian nebe mak Lokaliza iha Postu Administrativo hitu iha Municipio Covalima.
Jurnalista :Alito de Jesus
Editor : Chamot Nahac
