Covalima (RCCT)- 18-05-2021 Tersa Feira ohin Administrador Municipio Covalima halo enkontru ho Administrador Postu hitu, no linha Sektorais sira iha Salaun Aministrasaun Municipio Covalima hodi forma ekipa taxfor husi Aldeia to’o Postu.Ba Jornalista RCCT Administrador Franscisco de Anrade iha intervista, realiza enkoru ne’e tanba, dadaun ne’e, Numero kazu Positivu Covid-19 sae maka’as iha Municipio Covalima tanba ho suspende aktividades ne’e para bele fasil halo sensiblizasaun.
“Ohin halo enkontru ne’e nia objective hodi forma ekipa taxfor husi Aldeia to’o mai iha Posto tamba Nivel Municipio ita forma tia ona,tamba ba dadaun ne’e ita iha Covalima Numero Kazu Positivo sae maka’as, no mos ita hetan ona Cluster 10,ho ida ne’e mos fasil atu halo sensiblizasaun, liu-liu ba Autoridade Lokal sira hanesan Xefi Aldeia, Xefi Suco no Administrador Postu” Dehan Administrador Muncipio Covalima Franscisco De Andrade.
Administrador salienta hodi husu ba Komandante PNLT Municipo Covalima atu hapara mos, jogus hotu iha Municipio Covalima tanba ne’e.
“Horseik hau ko’alia ona ho Komandante PNTL atu hapara mos jogus sira hotu tanba tansmisaun ne’e liu husi ita ema nia relasaun no mos oras ne’e dadaun aktidades hotu sei tolera, tanba moras Covid-19 ne’e ita hotu la hare ho matan, tanba ne’e mak ita nia Autoridade lokal sira hamutuk ho Pesoal Saude no PNTL sira ita esforsu tomak, atu nune’e ita Covalima la bele mate tamba moras ida ne’e” Tenik Administrador Francisco De Andrade.
EntretantuAdminsitrador husu ba Komunidade hotu iha Municipio Covalima ida-idak ho nia konsiensia tomak atu Kuidadu an nafatin tamba Saude iha ita bot sira nia liman rasik.
Jornalista :Aje Fereira & Lito Jesus
Editor : Chamot Nahac
