Covalima (RCCT) 08-06-21, Tuir orientasaun husi Sentru Integrado Jestaun Krije ( SIJK) Nasional, katak Sidadaun nebe maka antes ne’e rekupera ona husi Covid-19 iha Sala Izolamentu ka Auto-Izolamentu, bainhira atu viagem husi Municipio ida ba Municipio seluk sei lori deit Karta Autorizasaun husi SIJK Municipio no sei la presiza atu lori karta rezultadu swab test (Lapersija tan halo teste swab)
Lia hirak ne’e hato’o husi Administrador Municipio Covalima Francisco de Andrade iha nia kna’ar fatin Tersa-Feira ne’e (08-06).
” Iha orientasaun ida husi SIJK Nasional katak, Ema nebe maka rekuperado ona iha Isolamento depois Auto-Isolamento ema Sira ne’e la presija lori karta swab test ona, Sira presiza lori deit Karta Autorizasaun, tanba iha orientasaun ne’e Ita hare momos, maibe ba sira babain ne’e obrigatorio tenke swab “ Francisco de Andrade dehan.
Administrador ne’e Informa aleinde husi Ekipa Taskforce Prevensaun ba Covid 19, ONG barak maka inklina hotu iha Ekipa Prevensaun ba Covid-19 iha Covalima, Tanba ne’e tempo badak sei halo sosializasaun ba Komunidade Sira kona ba asuntu refere.
” Aleinde Ekipa Taskforce Prevensaun Covid-19, Ita nia ONG barak envole iha neba, nebe sei halo sosializasaun ba Komunidade sira atu nune’e sira bele komprende ” Administrador Covalima Informa.
Entertanto ba Sidadaun nebe maka rekuperado ona husi moras Covid-19 iha Sala Izolamento no Auto Izolamento sei lori deit Karta Autorizasaun husi SIJK Municipio no sei la presiza atu halo swab Bainhira atu desloka husi Municipio ida ba Municipio seluk, maibe ba Sidadaun babain obrigatorio tenki swab Bainhira atu halo Viazem.
Jornalista : Tynho Gusmão
Editor : Chamot Nahac
