Administrador Covalima Nomeia Ema na’in 24 ba kargu foun Diretur ho Xefe Departamnetu ba servisu Municipais

Covalima ( RCCT ) 07-06-21, Administrador Municipio Covalima Fransisco Andrade iha nia servisu fatin Segunda feira ohin hateten iha loron 31 fulan Maio foin lalais ne’e nomeia Funsionario hamotuk ema nain 24 mak hetan kargu foun hanesan Diretor no Xefe deparatamentu iha linha ministeriais ba servisu municipais nebe mak durante ne’e abandona no la iha ema ruma mak atu lori kargu hirak ne’e,

Iha intervista ho jornalista sira, Administrador Municipio Covalima Fransisco Andrade informa hafoin ha’u halo kanar hanesan Administrador Municipio Covalima observa katak Diretor Munisipial barak mak la iha, tan ne’e Nia (red*Administrador) nomea kargu Diretor ho Xefe Departamentu iha instituisaun balu atu hodi ejekuta orsamentu ba programa nebe mak relasiona ho servisu Ministerias nian.

Wainhira ha’u hala’o hau nia kna’ar iha fulan Marco to’o abril, ha’u hare katak Diretor Municipal ne’e barak mak mamuk, ne’e signifika fo implikasaun ba ejekusaun de orsamentu, tanba ne’e iha fulan abril liu ba ha’u halo proposta ba Nasional atu halo nomeasaun ba kargu Diretores Municipal no Xefe Departamentu sira, no foin lalais ne’e husi Nasional aprova ona proposta ne’e hodi fo despaisu mai iha Municipio, tan ne’e ema na’in 9 mak hetan kargu diretor no nain 15 mak hetan kargu Xefe Departamentu, ema sira ne’e hamutuk 24 mak konsege hetan kargu Diretor no Xefe departamentu iha Municipio ida ne’e ” Dehan Administrador Covalima, Francisco de Andrade ba RCCT.

Nia Afirma nomeaasaun ne’e halo ba servisu hotu nebe mak tutela ona iha Administrasaun Estatal hanesan Edukasaun, Saude, Agrikultur no seluk tan hili sira balu sai hanesan Diretor no Xefe Departamentu atu nune’e be ejekuta fali orsamentu nebe mak durante ita fo fila bebeik ba Covre estadu tanba la iha ema mak atu jere ba iha departamentu hirak ne’e .

Ha’u hare servisu ida nebe mak tutela ona iha Ministerio Administrasaun Estatal hanesan Edukasaun, Saude no Agrikultur, Ha’u foti hotu atu nune’e halo nomeasaun ba kargu Diretur no Xefe Departamentu sira ne’e, maibe atu hateten lolos katak durante ne’e servisu hanesan Diretur Municipal ne’e barak mak la iha tanba ne’e ha’u priense ema hotu atu nune’e ita bele fo oportunidade ba ema seluk nebe mak seidauk iha kargu ruma atu nune’e labele fo implikasaun ejekusaun orsamentu” tenik Andrade

Andrade Salienta Durante Ministerio Aloka orsamentu ba departamentu sira nebe mak soin hetan nomeasaun ba kargu ne’e, maibe laiha ema ami atu jere hodi halo funsiona servisu iha departamentu sira ne’e mak implika tenki fo fila osan ne’e ba Estadu.

Tamba durante ne’e husi Ministerio tau hela deit orsamentu ba departamentu hirak ne’e maibe ema mak la iha atu jere ba orsamentu refere, tanba ne’e ita tenke fo fila bebeik orsamentu ne’e ba kovre estadu tamba ne’e mak agora iha priense hotu ema iha kargu hirak refere hodi nune’e bele ejekuta ona osan ne’e ” Dehan Administrador Covalima.

No mos iha dadalia ne’e Administrador Municipio Covalima husu ba ema na’in 24 nebe foin kargu diretor ho xefe departamentu iha loron 31 fulan Maio 2021 ne’e, tenke servisu tuir horas no disiplina hodi nune’e bele halo buat di’ak durante mandatu ho nune’e komunidade sira bele iha konfiansa.

Jornalista : Saturnino Soares

Editor : Chamot Nahac