Administrador Covalima husu ba Estudante no Komunidade 242 atu Pilar Primeiru hodi hakotu Korente Covid-19

Covalima (RCCT) 22-06-21 iha loron Segunda Feira kalan (21-06-21) bainhira Ekipa EKSES-COVID20 lori fila Estudante no Komunidade sira husi Dili mai to’o Covalima tanba infrenta menus ai han no laiha osan atu selu uma kos iha Dili.

Iha serimonia intregasaun Komunidade no Estudante ba Autoridade Covalima iha Komando PNTL Municipio Covalima, Adminstrador Municipio Covalima Francisco de Andrade iha nia intervensaun husu ba komunidade no Estudante sira atu sai pilar primeiru ba propagasaun Covid-19 iha sira nia familia ida-idak, atu nune’e bele kontribui hodi hakotu lalais korente transmisaun Covid-19 iha Covalima.

Ho imi nia prezensa ne’e, ha’u iha esperansa katak, imi sai hanesan primeiru pilar iha imi nia Familia ida-idak, atu nune’e ita hamutuk sensiabiliza nafatin informasaun kona ba Covid-19, depois ho ita bo’ot sira nia kolaborasaun oinsa bele hakotu Korente Covid-19 iha Covalima, atu nune’e ita mos bele goja ita nia direito hanesan babain.” Dehan Administrador Municipio.

Administrador mos agradese ba Ekipa Ekses-Covid20 nia Servisu, tanba Ekipa ne’e la’os halao deit servisu iha Municipio Covalima maibe hala’o mos sira nia servisu iha Dili, hahu kedas iha inisio Serka Sanitaria dahuluk to’o ohin loron.

Atu agradese mos ba EKSES-COVID20 nebe durante ne’e la’os hala’o k’nar iha Covalima deit, maibe durante ha’u iha ne’e mos ha’u hamutuk ho ekipa ne’e, husi Serka Sanitaria primeiro iha Covalima, ami mos halo buat balu iha ne’e, iha momento neba deifisil tebes, atu poio Komunidade iha Covalima ka atu apoio estudante sira nebe maka iha Dili atu mai Covalima, maibe iha momento neba, hamotuk ho Ekipa ita husu ba kompanha Nasional ho Internasional, no fim realidade hatudu duni, maibe agora ne’e ho grasa Na’i Maromak nian oinsa ita atu sai husi Serka sanitaria ” Dehan Administrado Covalma Francisco de Andrade

Iha Fatin Komandante PNTL Municipio Covalima Super-Intendente Polisia Antonio Maria de Sa husu ba Komunidade no Estudante nebe maka husi Dili fila mai Covalima, atu nafatin disiplina no kumpri nafatin regra ne’ebe maka iha.

Ha’u husu ba inan aman no alin sira hotu, hau kontente tamba liu husi servisu hamutuk ohin to’o ona iha ita nia Munisipio, maibe hau apela ba imi katak, kumpri nafatin regra ne’ebe maka iha, tenke disiplina, atu nune’e ita mos bele hakotu lalais Serka Sanitaria (SS) iha ita nia Munisipio ne’e, atu nune’e ita mos bele livre husi Situasaun ida ne’e ” Komandante PNTL Munisipio Covalima Dehan.

Kobertura : Jornalista Estudantil “Rony Amaral” Tinho Gusmao “RCCT”

Editor : Chamot Nahac