Covaliama ( RCCT ) 21-10-21, Asosiasaun Chega Ba Ita ( ACBIT ) Apoiu Orsamentu Rihun hat ( $ 4.000.00 ) Ba Centro Comunidade Covalima Hodi fasilita treinamentu ba nia membro sira .
Iha treinamentu ne’e Koordenadora Programa Dezemvolvimentu Feto Rurais Iha Centro Comunidade Covalima Hilaria Amaral do Carmo hateten, treinamentu ne’e atu hasa’e Staff CCC sira nia konhesementu kona ba Violensia hasoru Feto no Empedoramentu Feto bazeia ba Igualidade Jeneiru.
“ Objetivo husi treinamentu ne’e mak atu hasa’e Staff Centru Comunidade Covalima sira nia konhesementu kona ba Violensia hasoru Feto no Empedoramentu Feto bazeia ba Igualidade Jeneiru, oinsa mak Feto ho Mane iha Oportunidade hanesan tanba Staff Centru Comunidade Covalima mak sai hanesan ponte ba Comunidade sira iha Covalima” Kordenador Programa Dezemvolvimentu Feto Rurais Hilaria Amaral do Carmo.
Koordenadora Programa Dezemvolvimentu Feto Rurais ne’e hatutan CCC fahe ona Informasaun kona ba Violensia hasoru Feto no Empoderamentu Feto bazeia ba Igualidade Jeneiru ba komunidade sira liu husi eventu no enkontru Regular nebe realiza ona.
“Wainhira ami realiza Eventu no Enkontru regular ho ami nia parseiru sira iha Covalima ami husi Organizasaun Centro Comunidade Covalima ( CCC ) mos sempre fahe informasaun konaba Violensia hasoru Feto no Empoderamentu Feto bazeia ba Igualidade Jeneiru ba komunidade sira ne’ebe mak sei dauk asesu konaba informasaun hirak ne’e maibe ba oin ami mos sei transforma fali informasaun hirak ne’e ba ita nia parseiru sira mos ba komunidade sira iha Munispio Covalima” Tenik Kordenador Programa Dezemvolvimentu Feto Rurais Hilaria Amaral do Carmo.
Entertantu treinamentu ne’e realiza iha Centru Comunidade Covalima durante loron rua ( 2 ) hahu husi Kinta Feira 21- 10 -21 no remata iha Sexta Feira 22-10 -21 semana ne’e.
Jornalista : Saturnino Soares
Editor : Chamot Nahac
