Covalima ( RCCT ) 14-12-21, husi Fulan Janeiru to’o Dezembru Tinan 2021, Ministeriu Solidaridade Sosial no Inkluzaun ( MSSI ) Liu husi Sevisu Municipal Asaun Sosial Apoio ona Kaixaun ba familia Matebian Sira iha Munisipio Covalima hamutuk Atus Tolu Rua Nulu resin nen ( 326 ).
Kasu Lia ba Jornalista Diretór Servisu Municipal Asaun Sosial iha Municipio Covalima Abrão Nascimento hateten Apoio Kaixaun ne’e fahe ba kategoria tolu, Kaixaun ba Ema Ki’ik, Juven no mos ba Ema nebe Idade Avansadu.
” Servisu Municipal Asaun Sosial iha Covalima,hahu husi Fulan Janeiru Tinan 2021 to’o Fulan Dezembru Tinan 2021 ne’e apoiu ona kaisaun Atus Tolu Rua Nulu Resin Nen ba Familia matebean Sira ne’ebé Mak Mai husu tulun husi Asaun Sosial, ne’ e bazea ba kategoria tolu Mak hanesan Kaixaun ba Ema Ki’ik oan Ita apoiu ona Kaixaun Tolu Nulu resin Ida ( 31 ), Kaixaun ba Ema Joven ka bo’ot naton ninian Ita apoiu ona Kaixaun sia ( 9 ) no kaisaun ba Ema bo’ot Sira nian Ita apoiu ona 286 total Kaixaun hirak ne’e hamutuk Ita apoiu Atus tolu Rua Nulu Resin Nen ( 326 )” Katak Diretór Abrão.
Diretór ne’e hakle’an, Familia ne’ebé hakarak hetan apoiu Kaixaun husi Servisu Asaun Sosial Municipio tenke lori karta deklarasaun husi Suco no Aldeia.
” prosesu atu hetan apoiu Kaixaun ba falimilia matebean Sira Mak tenke lori Karta husi Xefe do Suco ,no Kartaun eleitoral husi familia matebean no mos Kartaun husi matebean nian rasik, depois Mak Servisu Asaun Sosial Municipio Covalima distribui Kaixaun ba familia matebean ne’ebé Mak presiza Hela kaisaun” Tenik Nia
Entkuantu tuir Diretór Servisu Municipal Asaun Sosial Iha Municipio Covalima Abrão Nascimento hateten Kaixaun ne’ebe apoio ba familia matebean Sira ne’e estadu Selu ba Kompaña ne’ebé mak produs Kaixaun ho folin tuir kategoria ne’ebé mak diferensia.
Entretantu Folin no kategoria Kaixaun hanesan tuir mai ne’e: Kaixaun Ki’ik, ho Nia medida 60-80 cm, presu Dolar Americano nen Nulu ( $ 60.00 ). total apoio ona Kaixaun tolu Nulu resin Ida (31) ho total orsamentu hamutuk dolares Americano Rihun Ida Atus Walu Nen Nulu ( $ 1.860.00 ). Kaixaun Naton ho Nia medida 90-130 cm, presu Kaixaun Ida Dolar Sia Nulu resin Lima ($95), total apoiu ona hamutuk sia (9) ho total orsamentu ba Kaixaun sia (9) ne’e hamutuk Dolar Atus Walu Lima Nulu Resin Lima ( $ 855.00 ). Kaixaun ba bo’ot ho nia medida 140 – 200cm no Nia presu Dolar Atus Ida Hitu Nulu ( $ 170.00) kada Kaixaun, total apoiu ona Kaixaun Atus rua walu Nulu resin nen ( 286 ) ho total orsamentu Rihun Hat Nulu Resin Walu, Atus ne’en Rua Nulu ( $ 48.620.00 ).
Nune’e Total Gastus orsamentu 2021 hodi selu folin Kaixaun ba kategoria tolu ne’e hamutuk Rihun Lima Nulu Resin Ida Atus Tolu Tolu Nulu Resin Lima ( $ 51.335.00 ).
Jornalista : Saturnino Soares & Adelina Borges
Editor. : Chamot Nahac
