Covalima (RCCT ) 02-08-21, Komunidade barak iha kapital Municipio Covalima sei nafatin susar ba Be mos, Hanesan iha Aldeia Asumaten Suco Debos Kuaze tinan 4 ona komunidade Susar atu hetan be mos, tan ne’e Xefe Aldeia Asumaten Candido Barros husu Governu husi Instituisaun relevante atu halo kanalizasaun nebe diak ba be mos hodi fornese ba Komunidade sira iha Aldeia Asumaten Suco Debos.
“Durante ne’e perkupa komunidade Halerik ba Be mos, tan ne’e husu ba guvernu atu nune’e bele halo kanalizasaun ho di’ak, atu nune’e komunidade sira bele asesu hodi komsumu ba sira nia moris lor – loron nian ka sira nia nesesidade Uma laran ninian” Katak Xefe Aldeia Asumaten Candio Barros ba Jornalista sira iha ninia rezindensia Quinta (02-09).
Nia dehan iha Fulan Novembru 2019 Kompania Balu halo ona kanalizasaun nebe remata ona iha Fulan Janeiru 2021 maibe Komunidade iha Asumaten Nafatin Halerik ba Be mos tanba Komunidade sira Seidauk Asesu ba Kanalizasaun Be ne’e.
“Komunidade iha Aldeia Asumaten Suco Debos ne’e rasik kuaze tama ona iha tinan 4 ka tinan 5 ona, susar atu asesu ba Be mos no agora dadaun ne’e halo ona kanalizsaun hosi kompania maun alin nebe hahu halo sira nia obra komesa hosi fulan novembru tinan 2019 no remata ona iha fulan janeiru tinan 2021 maibe ate agora komunidade rasik seidauk asesu ba Be ida ne’e ho nune mak komunidade sei nafatin halerik ba be’e mos “ Xefe Aldeia Candido relata
Xefe Aldeia Candido informa total Xefe Familia iha Aldeia Asumaten hamutuk uma kain 190 no total populasaun hamutuk ema 1.243 mak atu asesu ba kanalizasaun Be’e mos ida ne’e. Nia mos Konfesa Iha Tinan 2012 Komunidade iha Aldeia Asesu di’ak ba Be mos, maibe iha Tinan 2017 relasiona Konstruksaun Auto Estrada mak Kompania nebe Halo Konstruksaun Auto Estrada Sobu tia Tangki Be nebe Komunidade Asesu ne’e.
“Total Xefe Familia iha Aldeia Asumaten hamutuk 190 no total populasaun hamutuk ema na’in 1.243 mak atu asesu ba kanalizasaun Be mos ida ne’e no iha tinan 2012 ami asesu Be mos ida nebe mak halo hosi kompania Elivan no to iha tinan 2017 tanba jalan tol ne’e mak ami nia Tangki ka Bak induk Be ne’e hetan sobu tanba atu halo jalan tol ne’e mak to’e agora ami la asesu ba be’e mos” tenik Candido
Entretantu tuir informasaun nebe Jornalista RCCT Asesu iha terenu Kanalizasaun Be mos iha Suco Debos hamutuk tangki sanulu ho torneira nebe atu utiliza hodi fornese Be ba Komunidade sira maibe hahu husi Konstrui to’o Agora Tangki 10 nebe kompleta ho torneira ne’e la simu Be mos nebe Fornese SAS Covalima, Maibe Komunidade rasik mak sosa Be hodi ense ba tanki hirak ne’e hodi konsumu Loro Loron.
“Tangki 10 nebe iha agora ne’e Komunidade Sosa rasik Be hodi Ense ba, depois mak sira uja rasik, maibe Be husi SAS la mai to’o iha ne’e, Fhusu ba parte SAS atu asilera Loke Be mai ami iha fulan Setembru tinan ida ne’e nia laran hodi ofrese Be ba komunidade” Candido husu.
Engkuantu to’o Noticia ne’e hatun Jurnalista RCCT seidauk halo konfirmasaun ba kompania nebe halo Obra ne’e nomos parte SAS Municipio Covalima.
Jurnalista : Lito de Jesus
Editor : Chamot Nahac
