Covalima (RCCT) 05-01-22, Dadus husi Tinan 2021, protesaun Sivil iha Covaima distribui aihan no matérial uma ba benefisiariu hamutuk 241 husi total ne’e Uma kain 49 mak hetan estraga total no uma kain 15 mak hetan estraga k’man no uma kain 177 mak hanesan Vitima babain nebe afeta ba Dezastre Natural (DN)
Ko’alia ba Jornalista sira Koordenador Protesaun Sivil Covalima (PSC) Dinis Pereira informa Benefisiariu Dezastre Naturais (DN) hamutuk 241 mak hetan ona Apoio aihan no la’os ai han, husi total ne’e Benefisiarui 64 mak hetan Apoio Konstruksaun uma no 177 mak hetan apoio emerjensia hanesan aihan.
“iha tinan 2021 total dadus uma ne’ebé mak estragus husi desastre naturais hamutuk 64 husi numetu ne’e, at total hamotuk 49, at kma’an iha 15, no Vitima babain hamotuk 177, tan ne’e Apoio Aihan no laos aihan ka matrial kontruksaun ne’ebé ami fo ba ema durante 2021 hamotuk 241.” katak Koordenador Protesaun Sivil Dinis Perreira iha nia servisu fatin.
Koordenador mos halore kona ba Komunidade Vitima Dezastre Sira iha Tinan 2021 ne’e hetan material konstrusaun uma no mos osan.
” Ba família ida ne’ebé mak desastre naturais estragus uma at total, total uma kain 684 ba simu material mak hanesan kalen 2,450, semente 1,225, pregu sapeu 98 kg pregu, 7cm 196 kg, pregu 10cm 98kg, pregu 12cm 98kg, besi beton 8 mm lolon 490, besi beton 10mm lolon 588, aí rame 98 rollu ne’e ba sira ne’ebé mak uma at total ne’e, hetan mos osan, ne’ebé hamutuk uma kain 49 ne’e $. 18.032 Dolar Amerikanu, ba sira ne’ebé mak at k’man simu material diferente ho sira ne’ebé mak at totál, ne’ebé uma kain 15 ne’ebé at k’man ne’e hamutuk kalen 750 pregu sapeu 30 kg, no orsamentu Maun de obra no ba ai kuadradu $ 2. 250 Dolar Amerikanu,” Dinis imforma.
Enkuantu Durante Tinan 2021 Benefisiariu sira ne’ebé hetan apoio osan husi Protesaun Sivil Covalima ba sasan no uma ne’ebé estragu husi Dezastre Natural Hamotuk Dollar Amerikanu $.20,282.00
Jornalista : Jhana Cardoso
Editor : Chamot Nahac
