Covalima (RCCT) 06-07-21, Comissario Executivo EDTL.EP hasoru malu ho Administrador Municipio Covalima iha Edifisio Administrasaun Munisipal hodi kompartilla Programa EDTL.EP, tanba tinan ne’e iha projetu rua atu fornese ba Soco tolu iha Municipio Covalima.
Ba Jornalista sira Comissario Exekutivu EDTL.EP Latinu Jeronimo hateten, Misaun EDTL.EP atu lori ahi ba ema hotu ho kualidade, tanba ne’e tinan ida ne’e iha projetu rua atu halo instalasaun eletrisidade ba Suco tolu mak hanesan Suco Laktos, Mape, Usekai, maibe iha Covalima Suco Hitu maka seidauk asessu ba linha eletrisidade.
” Ohin ami mai koalia ho Administrador Covalima, ami kompartilla ami nia Programa EDTL.EP nian, foin estabelese iha Janeiro 2021, nebe ohin ami ko’alia ho Administrador, tanba tinan ne ami iha projetu rua mak iha ne, maibe projetu ida fornese ba suku Laktos, projetu ida ba Suco Mape,Usekai, tamba EDTL.EP nia Misaun atu lori ahi ba ema hotu ho kualidade, maibe ami rona suku 7 maka seidauk asessu ba eletrisidade” Comissario Exekutivu EDTL.EP dehan.
Comissario Exekutivo EDTL.EP ne’e husu Autoridade Lokal atu akompanha Ekipa servisu sira, atu nune’e bainhira iha Failansu ruma bele halo intervensaun hodi buka solusaun.
” Ami husu apoio Autoridade sira iha ne’e atu akompanha ami nia maluk sira mai servisu iha ne’e, atu nune’e mosu problema karik bele halo intervensaun depois Ita resolve hamutuk “ Latino dehan.
Enkuanto ba dadaun ne kompanha 167 maka halo hela prosessu tenderizasaun ba projetu ne’e, no projetu ne’e sei implementa iha Fulan Setembro /Outubro tinan ne’e.
Administradór Municípiu Covalima Francisco de Andrade, konsidera komisáriu EDTL.EP nia prezensa iha Administrsaun importante atu informa planu instala eletrisidade ba komunidade Suco 3 iha covalima.
“ Sira nia prezensa Importante tebes, tamba EDTL EP halo Survei hotu ona ,tinan ne’e ita Covalima sira sei dada ahi ba komunidade sira iha Suku tolu ,tanba atu implementa projetu tenke liu hosi prosesu tenderizaun” Administrador dehan hakotu.
Jornalista : Tynho Gusmao
Editor : Chamot Nahac
